शिवसेनेचे ११ जण मंत्रिपदाची शपथ घेणार आहेत. शपथविधी सोहळ्याआधी या आमदारांच्या स्वाक्षऱ्या प्रतिज्ञापत्रावर घेण्यात येणार आहेत. शिवसेनेकडून अडीच वर्षे मंत्रिपदं दिली जाणार आहेत. अडीच वर्षांनंतर मंत्रिपदावरुन पायउतार होऊ, असं सगळ्या भावी आमदारांकडून लिहून घेण्यात येत आहे. होऊ घातलेल्या मंत्र्यांच्या सह्या शपथपत्रांवर घेण्यात येणार आहेत.
Cabinet Expansion: अडीच-अडीच वर्ष मंत्रिपदाच्या फॉर्म्युल्यात मोठा ट्विस्ट; दादांनी सांगितलं महायुतीचं काय ठरलं
शपथविधी सोहळ्यापूर्वी उपमुख्यमंत्री आणि शिवसेनेचे नेते एकनाथ शिंदे यांनी भावी मंत्र्यांची एक बैठक घेतली. मंत्रिपद केवळ अडीच वर्षांसाठी देण्यात येत असल्याची माहिती त्यांना देण्यात आली. अडीच वर्षांचा कार्यकाळ पूर्ण झाल्यानंतर लगेच मंत्रिपद सोडावं लागेल, अशी पूर्वकल्पना सगळ्याच भावी मंत्र्यांना देण्यात आली. तशा शपथपत्रांवर सगळ्याच भावी मंत्र्यांच्या स्वाक्षऱ्या घेतल्या जाणार आहेत.

गेल्या मंत्रिमंडळात शिवसेनेचे केवळ १० जण होते. एकनाथ शिंदेंना बंडात साथ देणाऱ्या साथ देणाऱ्या काही आमदारांना मंत्रिपदाची आशा होती. त्यासाठी ते इच्छुक होते. पण शिंदेंनी आधीच्या सरकारमध्ये असलेल्या जवळपास सगळ्यांना पुन्हा संधी दिली. त्यांनी नवे चेहरे देणं टाळलं. मंत्रिमंडळ विस्तारात स्थान मिळेल, अशा आशेवर अनेक आमदार होते. पण अजित पवारांची राष्ट्रवादी सत्तेत आल्यानं त्यांचे पत्ते कापले गेले.
मंत्रिपद गेलं, NCPचा बडा नेता नाराज; हॉटेलात मुक्काम, हाकेच्या अंतरावरील मेळाव्याकडे पाठ
आता नव्या मंत्रिमंडळात स्थान मिळावं यासाठी इच्छुक प्रयत्नशील होते. पण सेनेच्या वाट्याला केवळ १२ मंत्रिपदं आल्यानं सगळ्या आमदारांचं समाधान करणं अवघड आहे. त्यामुळे शिंदेंनी अडीच वर्षांचा फॉर्म्युला काढलेला आहे. त्यानुसार शिंदे अडीच वर्षांनंतर खांदेपालट करतील आणि नव्या चेहऱ्यांना संधी देतील. या माध्यमातून अधिकाधिक नेत्यांना मंत्रिपदी संधी देण्याचा एकनाथ शिंदे यांचा प्रयत्न आहे.