महाराष्ट्रात मंत्रिमंडळ विस्तार झाला असून 39 मंत्र्यांनी शपथ घेतली. शपथविधी सोहळ्यात फडणवीस आणि शिंदे यांच्यातील अंतर चर्चेचा विषय ठरले. छगन भुजबळ यांना मोठा धक्का बसला असून मंत्रिपदापासून त्यांना दूर ठेवण्यात आलंय. दुसरीकडे आता विविध चर्चा रंगताना दिसत आहेत. शपथविधी सोहळ्यातील काही फोटो व्हायरल होताना दिसत आहेत. यावरून महायुतीमध्ये सर्वकाही अलबेल नसल्याचे सांगितले जात आहे.
देवेंद्र फडणवीस आणि अजित पवार मंचावर शेजारी
आज रविवारी (15 डिसेंबर) रोजी देवेंद्र फडणवीस यांच्या मंत्रिमंडळाचा विस्तार नागपुरात झालाय. मंत्रिमंडळाच्या विस्तारावेळी मुख्यमंत्री देवेंद्र फडणवीस आणि उपमुख्यमंत्री अजित पवार यांच्यात एक जवळीकता बघायला मिळाली. दुसरीकडे मुख्यमंत्री फडणवीस आणि एकनाथ शिंदे यांच्यात मोठे अंतर दिसून आले. यावेळी शिंदेंचा चेहरा बरेच काही सांगून जाताना देखील दिसला. ज्यामुळे विविध चर्चा रंगताना दिसत आहेत.
भुजबळांना मोठा धक्का, फडणवीस सरकारमध्ये स्थान नाहीच; कोणत्या कारणांमुळे गेम झाला?
एकनाथ शिंदेंच्या चेहऱ्यावरील भाव बदलले
मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार एकाच मंचावर दिसले. मात्र, देवेंद्र फडणवीस यांच्या शेजारी अजित पवार बसले होते तर दुसरीकडे राज्यपालांच्या दुसऱ्या बाजूला एकनाथ शिंदे यांना बसवण्यात आले होते. शिंदे आणि फडणवीस यांच्यात इतके अंतर का? आणि अजित पवारांनाच शेजारी घेऊन देवेंद्र फडणवीस का बसले, याची जोरदार चर्चा ही रंगताना दिसत आहे. महायुतीत सर्वकाही अलबेल नसल्याची जोरदार चर्चा सुरू आहे.
फोटोंनंतर विविध चर्चांना उधाण
एकनाथ शिंदे आणि देवेंद्र फडणवीस यांच्यात काहीतरी बिनसले असल्याचेही सांगितले जातंय. मंचावर मुख्यमंत्री देवेंद्र फडणवीस आणि एकनाथ शिंदे यांच्यातील अंतर स्पष्टपणे दिसत होते. देवेंद्र फडणवीस आणि एकनाथ शिंदे यांच्यामध्ये यावेळी काही चर्चा देखील झाली नसल्याचे सांगितले जातंय. मुख्यमंत्रिपदासाठी अगोदर एकनाथ शिंदे यांचे नाव चर्चेत होते. मात्र, त्यानंतर आपण मुख्यमंत्रिपदाच्या शर्यतीमध्ये नसल्याचे सांगताना एकनाथ शिंदे हे दिसले होते.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव…. आणखी वाचा