राष्ट्रवादी काँग्रेस पक्षाच्या विदर्भ स्तरीय मेळाव्याला संबोधित करताना अजित पवार यांनी ही माहिती दिली. यावेळी प्रदेशाध्यक्ष खासदार सुनील तटकरे, माजी केंद्रीय मंत्री प्रफुल्ल पटेल, दिलीप वळसे पाटील, धनंजय मुंडे, धर्मराव अत्राम, इंद्रनील नाईक, राजकुमार बडोले, सुबोध मोहिते, अमोल मिटकरी, संग्राम जगताप, शहराध्यक्ष प्रशांत पवार, जिल्हाध्यक्ष बाबा गुजर आदी मान्यवर मंचावर उपस्थित होते.
३३ वर्षांनंतर मुंबईऐवजी नागपुरात शपथविधी; आता फडणवीस, त्यावेळी कोण होते महाराष्ट्राचे दीर्घकाळ राहिलेले CM
यावेळी अजित पवार म्हणाले, ‘गेल्या तीन वर्षांपासून स्थानिक स्वराज्य संस्थांच्या निवडणुका झालेल्या नाहीत. त्यामुळे सामान्य कार्यकर्ता कुठेतरी नाउमेद झाले आहेत. म्हणूनच आम्ही सर्वोच्च न्यायालयातील प्रकरणात चांगल्यात चांगला वकील देणार आहोत. लवकरात लवकर या निवडणुका होतील यासाठी प्रयत्न सुरू आहेत. याच आठवड्यात आपले प्रदेशाध्यक्ष तटकरे, भाजपचे प्रदेशाध्यक्ष चंद्रशेखर बावनकुळे आणि शिवसेनेचे एकनाथ शिंदे जो प्रतिनिधी देतील अशा तिघांची बैठक होणार आहे. या सगळ्यावर देवेंद्र फडणवीस अंतिम सही करतील. मीसुद्धा सांगितले आहे की तातडीने माझ्याकडे याद्या पाठवा आणि कामाला लागा.’ यावेळी तटकरे व पटेल यांनीही मार्गदर्शन केले.
शरद पवारांनी तलवारीने केक कापला अन् वादाला सुरूवात झाली; शुभेच्छा देण्यासाठी अजितदादांसोबत पाहा कोण आले

अडीच वर्षांनंतर नवे मंत्री?

मंत्री पदासाठी सगळ्यांनाच संधी मिळत नसते. योग्यता असूनसुद्धा कधी कधी संधी मिळत नाही. त्यामुळे यंदा काही मंत्र्यांना अडीच अडीच वर्षे संधी दिली जाणार असल्याची घोषणा अजित पवार यांनी यावेळी केली.

…तर मंत्रीपद जाणार

विदर्भात राष्ट्रवादीची फारशी ताकद नाही, अशीच धारणा आजवर राहिली आहे. यंदा आपण सात पैकी सहा जिंकून ही धारणा पुसून काढली. मात्र, आता स्थानिक स्वराज्य संस्थांच्या निवडणुकांत बाजी मारायची आहे. त्यासाठी मंत्र्यांना एकेक जिल्ह्याची जबाबदारी दिली जाईल. महिन्यातून निनाद एक दिवस त्या जिल्ह्याला द्यावा लागेल. त्याबाबत तक्रारी येत असल्याचे आढळून आल्यास त्यांच्याबाबत वेगळा निर्णय घ्यावा लागू शकतो, अशी ताकीद देत मंत्रीपद काढून घेण्याचा इशारा पवारांनी दिला.
अजित पवारांच्या नावावर झाला अनोखा विक्रम; याबाबत दादांच्या जवळपास कोणी नाही, असा आहे त्यांचा A to Z राजकीय प्रवास

बँका वाचवूनही साथ सोडली

जुन्या सहकाऱ्यांच्या विनंतीवर शेतकऱ्यांच्या भल्यासाठी बुलढाणा अर्बन बँक वाचवण्यासाठी प्रयत्न केले. वेळेवर त्याच राजेंद्र शिंगणे यांनी साथ सोडली. मात्र, मनोज कायंदेंनी शर्थीचे प्रयत्न करत ही जागा निवडून आणली आणि सर्वसामान्यांनीही आपल्याला साथ दिली. त्यामुळे कोणत्याही पराभवाने खचून जायचे नसते, असे प्रतिपादन पवारांनी यावेळी केले.