भाजप प्रदेशाध्यक्षपदी रविंद्र चव्हाण यांचे नाव आघाडीवर असल्याचं बोललं जात आहे. भाजपकडे नेहमी एक व्यक्ती एक पद अशी जबाबदारी देण्यात येत असते. रविंद्र चव्हाण यांनी लोकसभा आणि विधानसभा निवडणुकीमध्ये अनेक जागा मिळवून दिल्या होत्या. त्यामुळे भाजपकडून रविंद्र चव्हाण यांच्यावर मोठी जबाबदारी दिली जाण्याची दाट शक्यता आहे. ज्यावेळी मुख्यमंत्रिपदाचा उमेदवार ठरत नव्हता तेव्हा रविंद्र चव्हाण यांचे नाव समोर आल्याचं पाहायला मिळालं होतं.

२००९ साली कल्याण विधानसभा मतदारसंघाचे विभाजन होऊन डोंबिवली हा स्वतंत्र मतदारसंघ तयार झाला. तेव्हापासून येथे भाजप आणि रविंद्र चव्हाण यांचे वर्चस्व आहे. २००९च्या विधानसभा निवडणुकीत नव्याने तयार झालेल्या डोंबिवली विधानसभा मतदारसंघातून त्यांना भाजपने संधी दिली. पहिल्याच विधानसभा निवडणुकीत त्यांनी मोठा विजय मिळवला. त्यानंतर २०१४च्या निवडणुकीत त्यांनी पुन्हा बाजी मारली. २०१६ साली त्यांना राज्यमंत्री म्हणून मंत्रिमंडळात स्थान मिळाले. २०१९च्या विधानसभा निवडणुकीत त्यांनी विजयाची हॅट्रिक पूर्ण केली. २०२२ मध्ये शिंदे-फडणवीस सरकारमध्ये त्यांना कॅबिनेट मंत्रिपद मिळाले होते.

भाजपच्या ‘या’ आमदारांना लागणार मंत्रिपदाची लॉटरी?

नितेश राणे, शिवेंद्रराजे भोसले , चंद्रकांत पाटील , पंकज भोयर, मंगलप्रभात लोढा, गिरीश महाजन, जयकुमार रावल, पंकजा मुंडे, राधाकृष्ण विखे पाटील, गणेश नाईक, मेघना बोर्डीकर, जयकुमार गोरे, अतुल सावे, माधुरी मिसाळ, आकाश फुंडकर, संजय उईके, संजय सावकारे, आशिष शेलार