Mumbai BEST Bus: सुरक्षित प्रवासासाठी, सुरक्षितरित्या वाहन चालवण्याबाबत समुपदेशन केले जाणार असल्याची माहिती बेस्ट उपक्रमाने दिली. मात्र या घटनेमुळे बेस्टची ‘शून्य अपघात मोहीम’ कागदावरच राहिल्याचे उघड झाले आहे. त्यामुळेच उपाययोजना करण्यासाठी बेस्टची धडपड सुरूच आहे.
कुर्ला पश्चिमेला बेस्टच्या भाडेतत्त्वावरील बसचा भीषण अपघात झाला आणि यामध्ये सात जणांचा मृत्यू झाला, तर ४२ जण जखमी झाले आहेत. या अपघातानंतर चालकांची भरती आणि त्यांना दिले जाणारे प्रशिक्षण यावर बोट ठेवले जात आहे. गेल्या पाच वर्षांत बेस्ट बसचे २४७ अपघात झाले आहेत. यामध्ये बेस्टच्या मालकीच्या ताफ्यातील १३३ बसचे अपघात झाले असून, भाडेतत्त्वावरील बसचे एकूण ११४ अपघात झाले आहेत. या अपघातांनंतरही चालकांचे समुपदेशन करण्याचे काम बेस्टकडून झाले नाही. कुर्य्यातील अपघातानंतर मात्र बेस्टने सर्व चालकांचे समुपदेशन करण्याचा निर्णय घेतला आहे. याची जबाबदारी बेस्ट बस निरीक्षकावर देण्यात आली आहे. 
महाराष्ट्र होणार फिनटेक राजधानी; जागतिक हिंदू आर्थिक मंचच्या परिषदेत मुख्यमंत्री फडणवीस यांचा विश्वास
पाच वर्षांत झालेले अपघात – २४७
बेस्टच्या मालकीच्या ताफ्यातील बस अपघात – १३३
भाडेतत्तवावरील बसचे अपघात ११४
‘शून्य अपघाता’चे प्रयत्न फोल
बेस्ट बसच्या अपघातांचे प्रमाण कमी होण्यासाठी उपक्रमाकडून चालकांना प्रशिक्षण व जनजागृती, तसेच त्यांचे समुपदेशन करण्याचे काम केले जाते. यातून त्यांचा ताणतणाव कमी करण्याचा प्रयत्न असतो. चालकांकडून शून्य अपघातांची नोंद व्हावी, यासाठी अशा चालकाचा वर्षातून एकदा सत्कारही केला जातो. जेणेकरून त्यांची कामगिरी आणखी सुधारण्यास मदत होते. मात्र हा सत्कार होताना दिसत नाही. बेस्ट बसचे अनेक अपघात हे चालकांच्या चुकीबरोबरच दुचाकीस्वार, चारचाकी वाहनचालक आणि पादचाऱ्यांनी खबरदारी न घेतल्यानेही होत असल्याचे सूत्रांनी सांगितले.
समुपदेशनामध्ये काय असेल ?
वाहन सुरक्षितरित्या कसे चालवावे, दारुचे व्यसन नको, प्रवासी बसमध्ये प्रवेश करेपर्यंत आणि उतरेपर्यंत प्रतीक्षा करावी, बेदरकारपणे वाहन चालवू नये, आदींबाबत समुपदेशन केले जाणार असल्याची माहिती बेस्टकडून देण्यात आली. सकाळी आणि संध्याकाळी जसजसे चालक उपलब्ध होतील, त्यानुसार हे समुपदेशन होणार आहे. समुपदेशनात सहभागी होणाऱ्या चालकांची नोंद केली जाणार असून चालकांची सहीही घेतली जाणार आहे. यासंदर्भात बेस्टच्या वाहतूक विभागाकडून आदेश देण्यात आले आहेत.
Shirdi BJP Conference: स्थानिक स्वराज्य संस्थांसाठी मोर्चेबांधणी; भाजपचे १२ जानेवारीला शिर्डीत प्रदेश अधिवेशन
बेस्टमधील चालक
बेस्टला भाडेतत्त्वावरील बस पुरवठादार सहा कंपनीकडून बसचा पुरवठा करतानाच कंत्राटी चालकही उपलब्ध केले जातात. तर एका कंपनीकडून कंत्राटी चालक आणि वाहकही उपलब्ध करण्यात आले आहेत.
बेस्टच्या ताफ्यातील गाड्या
मालकीच्या बस ९९३
भाडेतत्त्वावरील बस १९००
चालक ७२१२
बेस्ट बसवरील वाहक ७४२३
कंत्राटी चालक ६,५६३
कंत्राटी वाहक २,३४०
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा