नेमकं काय घडलं?

गुरुवारी १२ डिसेंबर रोजी दुपारी ४ वाजण्याच्या सुमारास अर्चना अभ्यास करत असताना तिने पेनाचं टोपण तोंडात धरलं होतं. अचानक ते टोपण तिच्या घशात अडकलं, त्यामुळे तिला श्वास घेण्यास त्रास होऊ लागला. शिक्षकांच्या ही बाब लक्षात येताच त्यांनी पाठीवर थपथपी मारून टोपण काढण्याचा खूप प्रयत्न केला. मात्र, प्रयत्न असफल ठरल्यानंतर अर्चनाला नातेवाईक आणि शिक्षकांच्या मदतीने धुळे येथील शासकीय रुग्णालयात दाखल करण्यात आलं. मात्र, श्वास गुदमरल्याने रुग्णालयातच तिचा दुर्दैवी मृत्यू झाला.
मोठा आवाज आल्याने कुटुंबीय धावले, समोर भयंकर दृष्य; चिमुकल्याच्या हातातच फुटला मोबाईल, नेमकं काय घडलं?
या घटनेमुळे संपूर्ण गावात शोककळा पसरली असून, शाळा परिसरातही हळहळ व्यक्त होत आहे. अर्चनाच्या आकस्मिक मृत्यूने शिक्षक, सहकारी विद्यार्थी आणि पालक यांच्यावर दु:खाचा डोंगर कोसळला आहे.
तो दारुच्या नशेत नव्हता…. विनोद कांबळी आणि सचिन तेंडुलकर यांच्या भेटीनंतर जुन्या मित्राचा दावा

मुख्याध्यापक सुहास जैन यांनी अर्चनाबद्दल दुःख व्यक्त करताना ती अतिशय हुशार विद्यार्थिनी असल्याचं सांगितलं. या घटनेने मुलांच्या सुरक्षिततेबाबत सावधगिरी बाळगण्याची गरज अधोरेखित केली आहे. पालक आणि शिक्षकांनी मुलांच्या सवयींकडे अधिक लक्ष देणं गरजेचं असल्याचं मत व्यक्त होत आहे.

मुलीच्या आईचं वर्षभरापूर्वी निधन, मृत चिमुकलीच्या पश्चात तीन बहिणी

मुलीच्या वडिलांचं नाव युवराज जगन खैरनार, मु. नांद्रे ता. जि. धुळे, ते ऊसतोड कामगार आहेत. ऊसतोड कामासाठी कर्जत जामखेड जवळील भिगवन गावात ते आहेत. तर चिमुकलीच्या आईचा संगीता युवराज खैरनार यांचा वर्षभरापूर्वी मृत्यू झाला होता. यानंतर धुळे तालुक्यातील निमखेडी येथील मामा जितेंद्र निकम, आजी कल्पना निकम, आजोबा चुडामन निकम यांनी अर्चनाचा सांभाळ केला. अर्चनाच्या पश्चात तिच्यापेक्षा लहान ३ बहिणी आहेत. अचानकपणे अर्चनाचा असा मृत्यू झाल्याने शोक व्यक्त केला जात आहे.