राज्याचे हिवाळी अधिवेशन १६ डिसेंबरपासून नागपूरला पार पडणार असून त्याच्या आधी मंत्रिमंडळाचा विस्तार होणे गरजेचे आहे. त्यामुळे आता हा विस्तार नेमका कधी होणार याविषयी उत्सुकता असताना शिवसेनेच्या नेत्यांकडून याविषयी भाष्य करण्यात आले आहे.

उदय सामंत काय म्हणाले?

याबाबत उदय सामंत म्हणाले की, ‘मंत्रिमंडळाचा विस्तार झाला नसला तरी मंत्रिमंडळ स्थापन झाले आहे, मुख्यमंत्री आणि दोन उपमुख्यमंत्री महाराष्ट्राच्या विकासासाठी काम करत आहेत. १४ तारखेला मंत्रिमंडळ विस्तार होणार असल्याचे प्रसारमाध्यमातून सांगिलते जात असून मीही ते ऐकतो आहे. १४ तारखेला होणाऱ्या मंत्रिमंडळ विस्तारातील मंत्र्यांना माझ्या शुभेच्छा आहेत.’
Gubarao Devkar : गुलाबरावांना राष्ट्रवादीत प्रवेशबंदी, जळगावात कार्यालयाबाहेरच बोर्ड लावला, देवकरांची कोंडी
‘आमच्या पक्षातर्फे कोणाला मंत्रिपद मिळणार याबाबत निर्णय घेण्याचे सर्व अधिकार एकनाथ शिंदे यांना आहेत. कोणाला कोणते खाते मिळेल हे येत्या दोन दिवसांत तुम्हाला कळेल तोपर्यंत गुलदस्त्यात राहू द्यात. आम्हाला गृह मंत्रालय पाहिजे असे रोज प्रसारमाध्यमे सांगतात, परंतु अशा कुठल्याही खात्यासाठी चर्चा अडलेली नाही. मंत्रिपदाचे वाटप सन्मानपूर्वक होईल,’ असे सामंत यांनी स्पष्ट केले.

संजय शिरसाट काय म्हणाले?

राज्य मंत्रिमंडळाची यादी दिल्लीत गेली की नाही याबद्दल कल्पना नाही, परंतु देवेंद्र फडणवीस यांनी सांगितल्याप्रमाणे आता विस्तार हा करावाच लागेल, असे वक्तव्य शिवसेनेचे नेते संजय शिरसाट यांनी केले.
Devendra Fadnavis : गौतम अदानी ‘सागर’ बंगल्यावर, देवेंद्र फडणवीसांसोबत भेट, हायप्रोफाईल बैठकीत काय घडलं?
नागपूर अधिवेशनापूर्वी हा विस्तार होणार अशी माहिती आहे आणि दोन ते तीन दिवसांमध्ये विस्तार होईल असे समजते आहे, असेही ते यावेळी म्हणाले.