कोपर्डी घटनेतील पीडित मुलीच्या बहिणीच्या लग्नाला राज्याचे मुख्यमंत्री देवेंद्र फडणवीस यांनी हजेरी लावली…त्याबद्दल कोपर्डीतील ग्रामस्थांनी पत्रकार परिषद घेत त्यांचे आभार मानले, मात्र कोपर्डी घटनेनंतर देवेंद्र फडणवीस यांनी दिलेल्या आश्वासनाची पूर्तता केली नसल्याची आठवण देखील करून दिली…कोपर्डी गावात शाळा उभारण्याचे आश्वासन देण्यात आले होते… सध्या 400 पेक्षा अधिक विद्यार्थी बाहेर गावी शिकतात, त्यांच्यासाठी अधिवेशनात तातडीने निर्णय घेऊन गावात शाळा उभारावी…गावात आरोग्य केंद्राचे काम पूर्ण झाले आहे, त्याठिकाणी आवश्यक कर्मचारी वर्ग उपलब्ध करून द्यावा…नांदगाव – राक्षसवाडी- कोपर्डी रस्त्याची मागणी करण्यात आली होती, तो रस्ता करून द्यावा…सोबतच कोपर्डी घटनेनंतर मराठा समाजाचे मोठे मोर्चे निघाले आणि मराठा आरक्षणाची मागणी करण्यात आली…सरकारने मराठा समाजाला कोर्टात टिकेल असे आरक्षण द्यावे अशी मागणी यावेळी पत्रकार परिषदेत करण्यात आली.