गरजू तरुणांना विविध आमिष दाखवून त्यांच्या कागदपत्रांच्या मदतीने नाशिक मर्चंट को ऑपरेटिव्ह बँकेत १४ बोगस खाती सुरू केली. यात १०० कोटींपेक्षा अधिक रक्कम ठेवण्यात आली. या रकमेचा गैरवापर केल्याने आरोपी सिराज अहमद हारून मेमन आणि त्याच्या साथीदारांविरोधात मालेगावमधील पोलिस ठाण्यात तक्रार दाखल करण्यात आली आहे. त्याचा तपास ईडीकडून सुरू आहे. एनएएमसीओसारखी बँक ऑफ महाराष्ट्रमध्ये नाशिक शाखेतही ५ खाती उघडण्यात आली आहेत.
पालिका निवडणुका लवकरच! मुख्यमंत्री फडणवीस यांचे संकेत, राज ठाकरेंना सोबत घेण्याचा विचार
एनएएमसीओ बँकेतील १४ खात्यांसह बँक ऑफ महाराष्ट्रमधील ५ खात्यांमध्ये कोट्यवधी रुपये ठेवण्यात आले होते. या खात्यातील रक्कम ऑनलाइन बँकिंगच्या विविध पद्धतीद्वारे एकच मालकी असलेल्या २१ फर्म आणि कंपन्यांच्या खात्यांमध्ये वळवण्यात आली. खात्यातील बँक व्यवहारांची सूक्ष्म पडताळणी केली असता त्यातून कोट्यवधी रुपये रोखीने काढण्यात आल्याची बाब ईडीने केलेल्या तपासात स्पष्ट झाली आहे.
आता मंत्रिपदे, खात्यांवर खल; शिवसेनेला १०, तर ‘राष्ट्रवादी’ला सात कॅबिनेट मंत्रिपदे?
नागनी अक्रम मोहम्मद शफी आणि वसीम वलीमोहम्मद भेसानिया यांनी विविध डमी संस्थांच्या खात्यातून कोट्यवधी रुपये रोखीने काढले. ही रक्कम अंगडिया आणि हवालाच्या मदतीने मुंबई, सुरत, अहमदाबाद येथे वितरित करण्यात आली. नागनी अक्रम आणि वसीम यांनी मेहमूद भागड उर्फ चॅलेंजर किंग उर्फ एमडी यांच्या सूचनेनुसार काम केले. नागनी अक्रम मोहम्मद शफी आणि वसीम वलीमोहम्मद भेसानिया या दोन व्यक्तींना पीएमएलए, २०२२च्या कलम १९ अंतर्गत अटक करण्यात आली होती, अशी माहिती ईडीच्या तपासात समोर आली आहे.
Nana Patole: मी राजीनामा देऊन पुन्हा निवडणूक लढण्यास तयार पण…; नाना पटोलेंची एकच अट
या आधी मालेगाव बँक प्रकरणी ईडीने मुंबईतील सुमारे २५ ठिकाणी शोध मोहीम राबवली होती. नोव्हेंबर महिन्यात सूरत, अहमदाबाद आणि नाशिकमध्ये केलेल्या छापेमारीत विविध संशयित कागदपत्रे, डिजिटल पुरावे, एफडी आणि बँकेतील रोकड अशा एकूण ५.२ कोटी रुपयांवर टाच आणली आहे.