देवेंद्र फडणवीस यांच्या पत्नी अमृता फडणवीस या देखील कायमच चर्चेत असतात. अनेक कार्यक्रमांमध्ये त्या उपस्थित असतात. देवेंद्र आणि अमृता यांचे लग्न 2005 मध्ये झाले. नेत्रतज्ज्ञ शरद रानडे आणि स्त्रीरोगतज्ज्ञ चारुलता रानडे यांच्या त्या कन्या आहेत. विशेष म्हणजे देवेंद्र फडणवीस आणि अमृता फडणवीस यांची लव्हस्टोरी अत्यंत खास आहे. पहिल्याच भेटीमध्ये दोघे एकमेकांना बोलण्यात इतके जास्त मग्न झाले की, त्यांना वेळेचे भानच राहिले नाही.

लग्नासाठी दोघांची भेट एका मित्राच्या घरी झाली. मुळात म्हणजे या भेटीसाठी अमृता यांच्याकडे फार कमी वेळ होता. मात्र, देवेंद्र फडणवीस यांच्यासोबत 90 मिनिटांपेक्षा अधिक वेळ कसा निघून गेला हे अमृता यांना कळालेच नाही. अमृता यांचे सुरुवातीला राजकारणाबाबत थोडे वेगळे मत होते. मात्र, देवेंद्र फडणवीस यांना भेटल्यानंतर त्यांचा राजकारणाकडे पाहण्याचा दृष्टिकोनच बदलून गेला. त्यांना देवेंद्र फडणवीस हे जमिनीसोबत जोडलेले व्यक्ती असल्याचे कळाले.

एका मुलाखतीमध्ये बोलताना अमृता या म्हणाल्या होत्या की, मी देवेंद्र यांना भेटण्याच्या अगोदर दबावाखाली होते. देवेंद्र कसा माणूस असेल याचा मी विचार करत होते. माझ्या मनात राजकारण्यांची नकारात्मक प्रतिमा होती. पण देवेंद्र यांना भेटल्यानंतर सर्वकाही बदलून गेले. मला ते अतिशय प्रामाणिक व्यक्ती वाटले. देवेंद्र फडणवीस यांच्याबद्दल बोलताना अमृता यांनी स्पष्टपणे सांगितले की, ते अजिबातच रोमांटिक नाहीत. ते सतत कामात व्यक्त असतात, त्यांच्यासोबत फार काही मजा आणि चांगला वेळ घालवायला जमत नाही.

अमृता फडणवीस म्हणाल्या, देवेंद्र हे लग्नाच्या अगोदर किंवा लग्नाच्यानंतरही कधीच रोमांटिक झाले नाहीत. त्यांचे संपूर्ण जग राजकारणाच्याभोवतीच फिरते. एका मुलाखतीमध्ये अमृता फडणवीस यांनी देवेंद्र फडणवीस हे एकावेळेला 30 ते 35 पुरणपोळ्या खातात, असे थेट म्हटले होते. ज्यानंतर अनेक मिम्स् सोशल मीडियावर व्हायरल होताना दिसले. अमृता यांच्या पुरणपोळ्यांच्या विधानावर देवेंद्र फडणवीस यांनाच स्पष्टीकरण द्यावे लागले होते.