Satyajeet Tambe Post For Devendra Fadnavis: अपक्ष आमदार सत्यजीत तांबे यांनी नवनिर्वाचित मुख्यमंत्री देवेंद्र फडणवीस यांचं कौतुक करणारी पोस्ट शेअर केली. तर स्वत: एकनाथ शिंदे आणि अजित पवारांना भेटून त्यांना शुभेच्छा दिल्या.
नाशिक पदवीधर मतदार संघाच्या निवडणुकीत काँग्रेस पक्षाने तिकीट नाकारल्यानंतर सत्यजीत तांबे यांनी अपक्ष उमेदवारी करत विजय मिळवला. त्या निवडणुकीत सर्व पक्षाच्या नेत्यांनी तांबे यांना मदत केल्याची चर्चा झाली. अपक्ष निवडून आल्यावर सत्यजीत तांबे काय भूमिका घेतात याकडे सर्वांचे लक्ष लागले होते मात्र त्यांनी कोणत्याही पक्षाला खुले समर्थन केले नाही. बाळासाहेब थोरात काँग्रेसच्या राष्ट्रीय कार्यकारणीवर आहे. मात्र त्यांचे सख्खे भाचे असलेले सत्यजीत तांबे भाजप नेत्यांचे कौतुक करत असल्याने मामा भाचे यांच्यात अंतर्गत विवाद काही सुरू आहे का? आगामी काळात सत्यजित तांबे भाजपचे कमळ हातात घेणार का? अशी चर्चा सुरू झाली आहे.
पोस्ट मध्ये काय म्हणाले सत्यजीत तांबे?
देवेंद्र फडणवीस यांची 2014 साली पहिल्यांदा मुख्यमंत्रीपदी निवड झाल्यानंतर त्यांना शुभेच्छा देताना मी अनेक अपेक्षा व्यक्त केल्या होत्या. 2014 ते 2024 या दशकात विविध भूमिकांच्या माध्यमातून महाराष्ट्रासाठी त्यांनी घेतलेले निर्णय पाहता माझ्या शुभेच्छा योग्य ठरल्या याचा आनंद आहे. 2014 ते 2019 मुख्यमंत्री पदाचा कार्यकाळ त्यांनी पूर्ण केला यात
– समृद्धी महामार्ग, अटल सेतू, कोस्टल रोड
– जलयुक्त शिवार योजना, मराठवाडा वॉटर ग्रीड प्रकल्प
– सारथी/बार्टी/टार्टी/अण्णासाहेब पाटील आर्थिक विकास महामंडळ यांसारख्या संस्थांची निर्मिती
– 1 रुपयात पीक विमा, मागेल त्याला सौर पंप
– महात्मा ज्योतिबा फुले जन आरोग्य योजनेची व्याप्ती वाढविणे अशी कामे केली.
2019 ते 2022 – विरोधी पक्षनेते पदाचा कार्यकाळ
– जबाबदार विरोधी पक्षाची भूमिका पार पाडली
– वीज बिलाच्या प्रश्नावर आक्रमक धोरण
– कोरोना काळात महाराष्ट्राचा दौरा, आरोग्य खात्यातील गैरकामाला विरोध – शिक्षण, आरोग्य, उद्योग अशा विविध क्षेत्रांच्या विकासासाठी प्रयत्न
– जनहिताच्या विविध प्रश्नांवर सरकारला धारेवर धरणे
2022 ते 2024 – उपमुख्यमंत्री पदाचा कार्यकाळ
– शेतकऱ्यांना मोफत वीज – लाडकी बहिण योजना, महिलांना एसटी प्रवासात 50 टक्के सूट
– लेक लाडकी योजना – नमो शेतकरी महासन्मान योजना – अन्नपूर्णा योजना (प्रत्येक कुटुंबाला ३ मोफत गॅस सिलेंडर) उत्तम वक्ते, मोठ्या मनाचा नेता, दूरदृष्टीचा नेता व सहज उपलब्ध असलेले देवेंद्र फडणवीस यांच्या नेतृत्वात महाराष्ट्राच्या भावी पिढ्यांच्या कल्याणाचे कामे होतील, हीच अपेक्षा.
तसेच सत्यजीत तांबे यांनी उपमुख्यमंत्रि एकनाश शिंदे आणि अजित पवार यांची भेट घेत त्यांना शुभेच्छा दिल्या.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा