सांगली विधानसभा मतदारसंघातून भाजपचे सुधीर गाडगीळ यांच्याविरोधात…काँग्रेसनं पृथ्वीराज पाटील यांना तिकीट दिलं होतं.त्यानंतर जयश्री पाटील यांनी बंडखोरी करत अपक्ष अर्ज भरला. त्यांनी माघार घेतली नसल्यानं मतदारसंघात तिरंगी लढत झाली होती. अपक्ष निवडणूक लढून विजयी झालेल्या विशाल पाटलांनी जयश्री पाटील यांना पाठिंबा दिला. अखेर निकालानंतर या मतदारसंघातून भाजपचे सुधीर गाडगीळ हेच विजयी ठरले. आज काँग्रेसच्या बैठकीसाठी पृथ्वीराज पाटील मुंबईत आले होते. यावेळी बोलताना त्यांनी स्थानिक काँग्रेस नेत्यांवर टीकास्त्र सोडत विशाल पाटलांवरही टीका केली.