Pune News: पुण्यातील कमाल तापमानात घट झाली असून बुधवारी सकाळी शहरातील तापमान ९.९ अंश सेल्सिअर नोंदवण्यात आले होते. राज्यात मध्य महाराष्ट्राच्या काही भागात थंडीची लाट आल्यामुळे पुणेकरांना हुडहुडी भरली आहे.
मध्य महाराष्ट्राच्या काही भागात आलेल्या थंडीच्या लाटेमुळे सलग तिसऱ्या दिवशी पुण्याच्या कमाल तापमानात घट झाली. हिवाळ्याच्या या हंगामातील शहरातील नीचांकी ९.९ अंश सेल्सिअस तापमान बुधवारी सकाळी नोंदविण्यात आले. अचानक वाढलेल्या गारठ्यामुळे मात्र पुणेकरांना सध्या हुडहुडी भरली आहे.
हवामानातील अनुकूल घडामोडींमुळे गेल्या चार दिवसांपासून मध्यमहाराष्ट्रासह, विदर्भ आणि मराठवाड्यात किमान तापमानात घट झाली आहे. दोन दिवसांपासून पुण्यात कमाल तापमानाचा पाराही घसरला आहे. त्यामुळे पुणेकर सध्या पहाटे कडाक्याची थंडी आणि दिवसभर गारव्यामुळे आल्हाददायक वातावरण अनुभवत आहेत. तर अनेकांना गारवा आणि हवा प्रदूषणामुळे सर्दी, खोकल्याचा त्रास सुरू झाला आहे. हिवाळा सगळ्यांचा आवडता ऋतू असल्याने वेगवेगळ्या प्रकारचे स्वेटर, जॅकेट शॉल, मफलर, घालून फिरण्याची संधी पुणेकरांना मिळाली आहे.
लिलावात २.२ कोटींना खरेदी केलेल्या CSKच्या गोलंदाजाची बेदम धुलाई; हार्दिकने १ ओव्हरमध्ये ठोकल्या २९ धावा, पाहा Video
पुण्यात गेल्या आठवड्यापर्यंत किमान तापमान १५ अंशाच्या जवळपास होते, त्यामुळे सकाळी गारवा होता. पण दिवसा हवेत गारवा नव्हता, कमाल तापमान ३० अंशापुढे रेंगाळले होते. दोन दिवस दुपारीही गारवा जाणवतो आहे. संध्याकाळनंतर गार वाऱ्यांमुळे गारठा वाढतो आहे. पुढील दोन दिवस पुणे, नाशिक, अहिल्यानगर भागात थंडीची लाट कायम राहणार आहे, आकाश दिवसभर निरभ्र आणि सकाळी काही भागात धुके असेल. शुक्रवारनंतर तापमानात वाढ होईल, असा अंदाज भारतीय हवामानशास्त्र विभागाने व्यक्त केला आहे.
ऐतिहासिक निर्णय! या देशाकडून १६ वर्षांखालील मुलांना सोशल मीडिया बंद, जगातला पहिलाच कायदा; भारतात कधी होणार?
शहरातील प्रमुख ठिकाणचे तापमान
ठिकाण – कमाल – किमान (अंश सेल्सिअसमध्ये)
एनडीए परिसर २८.१ – ८.९
हवेली २७.१ – ९.१
शिवाजीनगर २८.४ – ९.९
पाषाण २७ – १०.२
लवळे २८.९ – १६.२
कोरेगाव पार्क ३०.७ – १४.७
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा