अंबरनाथ पश्चिमेच्या शंकर हाईट्स फेज २ मधील डी विंग मध्ये ही घटना घडली आहे. या इमारतीत एक महिला तिच्या आईसह वास्तव्यास आहे. रात्रीच्या सुमारास तिने घरातच मुलीला जन्म दिला आणि त्यानंतर तिने नवजात अर्भकाला बाथरूममधून इमारतीच्या डक्टमध्ये तिला फेकून दिले. सकाळच्या सुमारास ही बाब स्थानिकांच्या लक्षात आल्यानंतर त्यांनी स्थानिक माजी नगरसेवक उमेश पाटील यांना याबाबतची माहिती दिली. त्यांच्या माहितीनुसार पोलिसांनी तात्काळ घटनास्थळी धाव घेतली. अंबरनाथ शहरात घडलेली ही घटना संतापजनक आणि लाजिरवाणी असल्याची प्रतिक्रिया यानंतर स्थानिक माजी नगरसेवक उमेश पाटील यांनी दिली आहे.
महिलेवर चाकूने वार, धक्कादायक घटना, पोलिसांनी घेतली घटनास्थळी धाव, तपास सुरू
घटनेची माहिती मिळताच अंबरनाथ पश्चिम पोलिसांनी घटनास्थळी धाव घेत नवजात बाळाचा मृतदेह ताब्यात घेतला आणि शासकीय रुग्णालयात पाठवला. तर याप्रकरणी बाळाची आई आणि आज्जी या दोघींनाही पोलिसांनी ताब्यात घेतले आहे. संबंधित महिला ही अविवाहित असून लग्नापूर्वी जन्माला आलेले हे बाळ नको असल्यानेच ते फेकून दिल्याची प्राथमिक शक्यता व्यक्त करण्यात येत आहे.