२०१९च्या निवडणुकीत ६७.०५ टक्के मतदान झालं होतं. मात्र, यावेळी १.०९ टक्याने मतदान वाढलं असून गेल्या निवडणुकीत दुरंगी झालेली लढत भावना गवळींच्या एन्ट्रीने तिरंगी झालेल्या लढतीत मतदाराने कोणाला कल दिला हे पाहणं महत्त्वाचं असणार आहे.

कारंजा विधानसभा मतदार संघात जवळपास ४ टक्याने मतदानात वाढ झाली आहे. गेल्या विधानसभा निवडणुकीत ६१.७७ मतदान झालं होतं. तर या निवडणुकीत ६५.४३ मतदान झालं. या मतदारसंघात चार माजी आमदारांचे वारस पक्षांतर करून एकमेकांसमोर शड्डू ठोकून उभे होते. भाजपचे दिवंगत आमदार राजेंद्र पाटणी यांचे पुत्र ग्यायक पाटणी राष्ट्रवादी काँग्रेस (श.प) पक्षाकडून उभे होते. तर राष्ट्रवादी काँग्रेसचे दिवंगत माजी आमदार प्रकाश डहाके यांच्या पत्नी भाजपकडून निवडणूक लढली. दिवंगत माजी मंत्री बाबासाहेब धाबेकर यांचे पुत्र सुनील धाबेकर यांनी वेळेवर वंचितकडून निवडणूक लढली तर माजी मुख्यमंत्री वसंतराव नाईक यांचे नातू आणि माजी राष्ट्रवादीचे माजी मंत्री मनोहर नाईक यांचे पुत्र ययाती नाईक यांनी समनक जनता पार्टीकडून निवडणूक लढली. तर राष्ट्रवादी काँग्रेस(अ.प.) पक्षाचे जिल्हाध्यक्ष युसुफ पुंजानी यांनी एमआयएम पक्षाकडून निवडणूक लढल्याने इथ पक्षांतराची खिचडी होऊन पंचरंगी निवडणूक झाली.

बंजारा समाजाचे मोठ्या प्रमाणात मतदान असलेल्या या मतदारसंघात मात्र महायुती विरूध्द महाविकास आघाडी अशी लढत झाल्याची चर्चा मतदारसंघात आहे. वाशिम विधानसभा मतदारसंघात महायुतीविरुद्ध महाविकास आघाडी अशी लढत झाली. या मतदारसंघात सुद्धा जवळपास ५ टक्यांनी मतदान वाढलं आहे. वंचित बहुजन आघाडीतून शिवसेनेत गेलेले डॉक्टर सिद्धार्थ देवळे यांनी या मतदार संघात वंचित फॅक्टर मोडीत काढल्याची चर्चा आहे. भाजपविरुद्ध शिवसेना आणि शेवटी जातीपातीवर आलेल्या राजकीय परिस्थितीत भाजपचे श्याम खोडे किंवा शिवसेनेचे डॉ. सिध्दार्थ देवळे या दोघांतून एकाचा निसटता विजय होऊ शकतो. जिल्ह्यातील तिन्ही विधानसभा मतदार संघात चुरशीची लढत झाली असून यात कुणाचा गुलाल उधळणार हे येत्या २३ तारखेला कळणार आहे.
Satara Talathi Accident: दोन महिन्यांपूर्वी नोकरी, इलेक्शन ड्युटी संपवून येताना काळाची झडप, तरुण तलाठ्याचा अपघाती अंत

अंदाजित अंतिम आकडेवारी

वाशिम: 2024:- 64.65%
मागील :2019:-59.19%

रिसोड: 2024:- 68.14%
मागील 2019:- 67.05%

कारंजा: 2024:- 65.43%
मागील :2019:- 61.77

जिल्ह्यात 2024:- 66.06
मागील 2019 :- 62.67%