विधानसभा निवडणुकीच्या अखेरच्या दिवशी उद्धव ठाकरे यांनी मुख्यमंत्री एकनाथ शिंदे यांच्यासह भाजप महायुती सरकारवर टीकेची झोड उठवली. सरकार काम भारी केल्याची जाहिरातबाजी करत आहे. पण त्यांनी महाराष्ट्राच्या विकासाचे नव्हे तर त्याची तिजोरी लुटण्याचे एकमेव काम भारी केले आहे, असे ते म्हणालेत.महायुतीने केलंय काम भारी असे होर्डिंग लावले आहेत. त्यावरुन उद्धव ठाकरेंनी भाजप आणि शिंदेंच्या शिवसेनेवर निशाणा साधला. ते म्हणाले, होर्डिंग लागले आहेत. केलंय काम भारी… लुटली तिजोरी… केली गद्दारी… पुढे लाचारी.. यांना आता गुवाहाटीला पाठवून द्या, असे आवाहन उद्धव ठाकरेंनी केले.
अनिल देशमुख यांच्यावर हल्ला, भाजपच्या कार्यकर्त्यांनी हल्ला केल्याचा माजी गृहमंत्र्यांचा आरोप; भाजपने दिले उत्तर
महाविकास आघाडीसोबत असलेले शेतकरी कामगार पक्षाचे जयंत पाटील यांच्यावर मात्र उद्धव ठाकरे बरसले. जयंत पाटील यांच्या शेतकरी कामगार पक्षाने पनवेल, उरण आणि पेणमध्ये बंडखोरी केली आहे. त्यावरुन ठाकरे म्हणाले की, जयंतराव विचित्र कारभार करु नका. अलिबागमध्ये मी माणूसकी दाखवली, तुमच्या कुटुंबासाठी जागा सोडली. मात्र तुम्ही उरण, पेण, पनवले, सांगोला इथे उमेदवार दिले. त्यांनी ते मागे घेतले नाही. लढायचे तर उघड लढा, मैत्री करायची तर मोकळ्या मनाने करा, असा इशारा वजा विनंती उद्धव ठाकरेंनी मित्र पक्षाला केली.शेकापाचे जयंतराव तुम्ही विचित्र काम करु नका. आलिबागमध्ये मी माणुसकी दाखवली. तुमच्या कुटुंबासाठी जागा सोडली. त्यानंतर तुम्ही उमेदवारी उरण, पेण, पनवेल, सांगलो या ठिकाणी मागे घेतली नाही. लढायचे तर उघड लढाई करु या, मैत्री करायची तर उघड करु या, असे उद्धव ठाकरे म्हणाले. आम्ही तुम्हाला आलिबागला मदत करतो, तुम्ही इतर ठिकाणी आम्हाला मदत करा. जयवंतराव आता ठरवा महाराष्ट्र द्रोहीला मदत करायची की महाराष्ट्राचा विकास करणाऱ्यांना मदत करायची? असा सवाल उद्धव ठाकरे यांनी केला.

महाराष्ट्र विधानसभा निवडणुकीच्या प्रचाराच्या शेवटच्या दिवशी शिवसेना उबाठा नेते उद्धव ठाकरे यांनी प्रचाराचा धडका लावला. कर्जतमध्ये घेतलेल्या सभेत त्यांनी शिवसेना बंडखोरांवर हल्ला केला. त्याचवेळी शेतकरी कामगार पक्षाचे जयंतराव पाटील यांना इशाराही दिला. आम्ही मदत करतो, तुम्ही मदत करा, असे आवाहनही केले.
संभाजी भिडे नावाच्या गटार गंगेत तुमच्या मुलांना जाऊ देऊ नका; सरोज पाटलांचा हल्लाबोल, मुश्रीफांना सोडले नाही
मी मुख्यमंत्री असताना कोण कटले हे सांगा. मी सर्वांना सोबत घेऊन पुढे जात होतो. पण त्यांनी गद्दारी करून आपले सरकार पाडले. आता हे लोक आपल्या नोकऱ्या व उद्योग गुजरातला पळवण्याचे उद्योग सुरू केलेत. आता जा तिकडेच ढोकळा खायला. 23 तारखेनंतर राज्यात महाविकास आघाडीचे सरकार येणार आहे. त्यावेळी काय ते पाहून घेऊ, असे ठाकरे म्हणाले.
आपल्याकडून चूक होऊ देऊ नका, कोणी दबाव आणला तर अजित पवार तुमच्या पाठीशी; शरद पवार, सुप्रिया सुळेंवर टीका टाळत दादांचा सेफ गेम
रायगडमधील चारही जागा निवडून आणा, असे आवाहन उद्धव ठाकरे यांनी केले.आमदार महेंद्र सदाशिव थोरवे यांच्यावर त्यांनी जोरदार हल्ला केला. ते म्हणाले, चार दिवस राहिले. सुखाने राहा. त्यानंतर विधानभवनाचे दार तुला दिसणार नाही. यापुढे दादागिरी केली तर २३ तारखेनंतर महाविकास आघाडीचे सरकार आणि गद्दार आहे, पाहून घेऊ, काय होईल, असे उद्धव ठाकरे यांनी सांगितले.