विधानसभा निवडणुकीची रणधुमाळी सुरु असताना मुस्लीम पर्सनल लॉ बोर्डानं महाविकास आघाडीला पाठिंबा जाहीर केलेला आहे. मुस्लिम पर्सनल लॉ बोर्डाचे प्रवक्ते सज्जाद नोमानी यांनी मुंबईत पत्रकार परिषद घेत याबद्दलची माहिती दिली.
संविधानाच्या रक्षणासाठी महाविकास आघाडीला पाठिंबा देत असल्याची घोषणा सज्जाद नोमानी केली. विशेष म्हणजे गेल्याच महिन्यात नोमानी यांनी मराठा आंदोलक मनोज जरांगे पाटील यांची दोनदा भेट घेतली होती. मराठा, दलित आणि मुस्लिमांची मोठ बांधून उमेदवार उभे करण्याचा त्यांचा प्रयत्न होता. पण मुस्लिम, दलित समाजाच्या उमेदवारांची यादीच न आल्यानं जरांगेंनी निवडणूक लढवण्याचा विचार रद्द केला आणि माघार घेत असल्याची घोषणा केली. त्यामुळे आता नोमानी यांच्या घोषणेनंतर जरांगे काय करणार, कोणती भूमिका घेणार याकडे राज्याचं लक्ष लागलं आहे.
Ajit Pawar: लोकांची कामं, विकासनिधीसाठी सत्तेत गेलात; आता मविआचं सरकार आलं तर? वाचा दादांचं उत्तर
राज्यात विधानसभेच्या एकूण २८८ जागा आहेत. पैकी २६९ जागांवर मुस्लिम पर्सनल लॉ बोर्ड महाविकास आघाडीला पाठिंबा देणार आहे. तर अन्य १६ जागांवर त्यांचं समर्थन वंचित, एमआयएम, सपा, बविआसह अपक्ष उमेदवारांना असेल. मुस्लिम पर्सनल लॉ बोर्डचे प्रवक्ते नोमानी यांनी मुंबईतील पत्रकार परिषद घेत कोणकोणत्या समाजाच्या किती उमेदवारांना पाठिंबा देणार, त्यांची यादीच वाचली. मुस्लिम पर्सनल लॉ बोर्ड १६९ मराठा, ओबीसी, ५३ एससी-एसटी, २३ मुस्लिम आणि ४० अन्य समुदायाच्या उमेदवारांना पाठिंबा देत असल्याची आकडेवारी नोमानी यांनी जाहीर केली.
Uddhav Thackeray: मारी बिस्कीट न् खारी बिस्कीट! ठाकरेंचं भाकित २४ तासांत खरं ठरलं; महायुतीकडून ३ VIDEO शेअर
मुस्लिम पर्सनल लॉ बोर्डानं एमआयएमच्या काही निवडक उमेदवारांना पाठिंबा दिला आहे. छत्रपती संभाजीनगरात एमआयएम दोन जागा लढत आहे. या दोन्ही जागांवर पर्सनल लॉ बोर्डानं एमआयएमच्या जागी समाजवादी पक्षाला पाठिंबा दिला आहे. एमआयएमचे माजी खासदार इम्तियाज जलील यांना बोर्डाचा पाठिंबा नाही. सपाच्या अब्दुल गफार कादरी, इर्शाद जहागीरदार यांना बोर्डानं पाठिंबा दिलेला आहे. एमआयएमच्या मुफ्ती इस्माईल, फारुख शाब्दी यांना समर्थन देण्यात आलेलं आहे.
मतदानाला उरला आठवडा, मुस्लिम पर्सनल लॉ बोर्डाची मोठी घोषणा; थेट यादीच वाचली, ठाकरेंची गोची?
वसई-विरार पट्ट्यात ताकद असलेल्या बहुजन विकास आघाडीला मुस्लिम पर्सनल लॉ बोर्डानं समर्थन दिलं आहे. बविआच्या हितेंद्र ठाकूर, क्षितीज ठाकूर, डॉ. राजेश पाटील यांना पाठिंबा जाहीर करण्यात आलेला आहे. वंचितत्या एस. एन. खातिब, फारुख अहमद यांना समर्थन देण्यात आलेलं आहे.
ठाकरेंची गोची
हिंदुत्त्व सोडल्याची टीका भाजप, शिंदेसेनेकडून उद्धव ठाकरेंवर करण्यात येते. लोकसभा निवडणुकीत ठाकरेसेनेचे उमेदवार अल्पसंख्याक मतांमुळे निवडून आल्याचा दावा भाजप, शिंदेसेना, मनसेनं केला होता. आता मुस्लिम पर्सनल लॉ बोर्डानं मविआला पाठिंबा दिल्यानं ठाकरेंची गोची होणार आहे.
लेखकाबद्दलकुणाल गवाणकरमहाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस…. आणखी वाचा