मोबीन खान, कोपरगाव : लोकसभा निवडणूकीचे वारे आता वेगाने वाहू लागले असून दररोज अनेक राजकीय घडामोडी घडत आहे. अहमदनगर जिल्ह्यातील कोपरगाव नगरपरिषदेचे माजी उपनगराध्यक्ष तथा भाजपचे विवेक कोल्हे यांचे खंदे समर्थक मानले जाणारे स्वप्निल निखाडे तसेच भाजपच्या माजी नगरसेविका आणि पदाधिकाऱ्यांनी आमदार आशुतोष काळे यांच्या उपस्थितीत राष्ट्रवादी काँग्रेस अजित दादा गटात प्रवेश केला आहे. त्यामुळे कोपरगाव शहरात भाजपला खिंडार पडले आहे.आज कर्मवीर शंकरराव काळे यांच्या जयंतीचे औचित्य साधून भाजपाला खिंडार पडायला सुरवात झाली असून कोल्हे गटाचे दिग्गज मानले जाणारे माजी उपनगराध्यक्ष स्वप्नील निखाडे व माजी नगरसेविका सौ. मंगल आढाव यांचे पती बाळासाहेब आढाव यांनी भाजपाला अर्थात कोल्हे गटाला राम राम करत आमदार आशुतोष काळे यांच्या उपस्थितीत राष्ट्रवादी काँग्रेस पार्टी अजित पवार गटात प्रवेश केला.
कोपरगाव तहसील कार्यालयात लाखोंचा घोटाळा! बोगस बिलं काढणाऱ्या कर्मचाऱ्यावर गुन्हा दाखल, अधिकाऱ्याचे काय?
ओम आढाव, माजी नगरसेविका शोभाताई उल्हास पवार यांचे चिरंजीव सुरज बापू पवार, हृषीकेश आढाव, नवनाथ बढे, बाबासाहेब पगारे त्यांच्यासह त्यांच्या समर्थकांनी प्रवेश केला. यावेळी आमदार आशुतोष काळे यांनी सर्वांचा पुष्पगुच्छ देत स्वागत केलं.
Fact Check: कंगना रणौतसोबत फोटोत दिसणारी व्यक्ती अंडरवर्ल्ड डॉन अबू सालेम? काय आहे सत्य

दादा आम्हाला जीव लावा इथेही प्रामाणिक काम करू
पक्षप्रवेशानंतर पहिली प्रतिक्रिया देताना माजी उपनगराध्यक्ष स्वप्निल निखाडे म्हणाले की, आज गोड दिवस असून मी कोणाबद्दलही टीका करणार नाही, आज राष्ट्रवादी काँग्रेस पक्षात प्रवेश केला आहे आणि आमदार आशुतोष काळे यांच्या नेतृत्वात प्रामाणिक काम करू. आम्ही जिथे होतो तिथेही प्रामाणिक काम केलं आणि आता दादांसोबत आल्याने प्रामाणिकपणे काम करू परंतु दादा तुम्ही आम्हाला जीव लावा अशी प्रतिक्रिया स्वप्निल निखाडे यांनी दिली आहे.