नागपूर : रामटेक लोकसभा मतदारसंघ.. २०१९ ला इथे जो निकाल लागला तो यावेळी बदलण्यासाठी काँग्रेसने मोठी फिल्डिंग लावलीय खरी, पण उमेदवार जाहीर केल्यापासून काँग्रेसला इथे जे ग्रहण लागलंय ते अजूनही सुरुच आहे.. सुरुवातीला काँग्रेसने उतरवलेल्या उमेदवाराचं जात प्रमाणपत्र रद्द झाल्यामुळे ऐनवेळी उमेदवार बदलावा लागला, तर दुसरीकडे पक्षातल्याच नेत्याने इथे बंडखोरी करुन टेन्शन आणखी वाढवलं..

निवडणुकीपूर्वीच काँग्रेसच्या विद्यमान आमदाराने शिवसेनेत जाऊन तिकीट मिळवलं आणि पक्षाला खिंडार पाडली, पण आता मतदान तोंडावर आलं असतानचा वंचित बहुजन आघाडीने इथून काँग्रेसच्या बंडखोर नेत्याला पाठिंबा देऊन पक्षाच्या चिन्हावर लढलेल्या उमेदवाराची धाकधूक वाढवलीय.. वंचितने ऐनवेळी जो निर्णय घेतलाय, त्यामुळे या मतदारसंघात फिल्डिंग लावलेल्या सुनिल केदार यांचं टेन्शन कसं वाढलंय ते समजून घेऊ..

मविआच्या जागावाटपात रामटेकची जागा काँग्रेसने ठाकरेंकडून खेचून घेतली. पण जागा मिळवण्यासाठीचा संघर्ष टळल्यानंतर काँग्रेसला आणि पर्यायाने सुनिल केदारांना अनेक आव्हानांना तोंड द्यावं लागतंय.
महादेव जानकरांना चितपट करण्यासाठी पवारांनी हेरला तगडा शिलेदार, परभणीत होळकर मविआच्या प्रचारात?

काँग्रेससमोर अडचणींचा डोंगर

रामटेक मतदारसंघातील काँग्रेस आमदार राजू पारवेंनी ऐनवेळी पक्षाला सोडचिठ्ठी दिली
शिवसेना शिंदे गटात प्रवेश करून लोकसभेची उमेदवारी मिळवली
काँग्रेस उमेदवार रश्मी बर्वेंचं जात प्रमाणपत्र रद्द झालं, उमेदवारी अर्ज बाद होण्याच्या भीतीमुळे उमेदवार बदलावा लागला
रश्मी बर्वेंच्या जागी शामकुमार बर्वेंना काँग्रेसने मैदानात उतरवलं
शामकुमार बर्वेंची उमेदवारी निश्चित झाल्यानंतर काँग्रेस नेते किशोर गजभियेंची बंडखोरी
या सगळ्या अडचणी असतानाच किशोर गजभियेंना ताकद देऊन प्रकाश आंबेडकरांनी काँग्रेसच्या संकटात भरच टाकली.
उत्तर पश्चिमेचं ‘उत्तर’ शिंदेंना सापडेना, निरुपमांची चाचपणी, महागुरुंसह ३ मराठी कलाकार चर्चेत

कोण आहेत किशोर गजभिये?

किशोर गजभिये हे माजी सनदी अधिकारी
२०१० सामाजिक न्याय विभागात सचिव असताना स्वेच्छानिवृत्ती घेतली
निवृत्तीनंतर राजकारणात उतरून नागपूर जिल्ह्यातील विविध सामाजिक कार्यात सक्रिय
२०१४ मध्ये नागपूर पदवीधर मतदारसंघातून निवडणूक लढवली, पण पराभव
२०१४ च्या विधानसभा निवडणुकीत बसपाकडून उत्तर नागपूर विधानसभा निवडणूक लढवली, इथेही पराभव
२०१९ मध्ये काँग्रेसने रामटेकमधून किशोर गजभियेंना उमेदवारी दिली
शिवसेना उमेदवारावाविरोधात पराभव, पण ४ लाख ७० हजार मतं घेतली
Read Latest Maharashtra News Updates And Marathi News

आताच्या निवडणुकीत किशोर गजभिये काँग्रेसकडून दुसऱ्यांदा इच्छुक
उमेदवारी नाकारताच किशोर गजभियेंनी बंडखोरी केली, वंचित उमेदवाराने माघार घेताच प्रकाश किशोर गजभियेंना वंचितकडून पाठिंबा जाहीर
२०१९ मध्ये वंचित उमेदवाराने ३६ हजार मतं मिळवली, रामटेकमधील वंचितच्या ताकदीचा किशोर गजभियेंना फायदा होईल

२०१९ मध्ये दारुण पराभव झाल्यानंतरही किशोर गजभिये काँग्रेसकडून दुसऱ्यांदा इछुक होते. पण सुनिल केदारांच्या विरोधामुळे त्यांना उमेदवारी मिळाली नाही. पण बंडखोरी केलेल्या गजभियेंना वंचितने आधार दिल्याने काँग्रेसला मतविभाजनाचा फटका बसू शकतो. वंचितच्या पाठिंबा किशोर गजभियेंसाठी गेमचेंजर ठरू शकतो का, हे पाहणं उत्सुकतेचं ठरेल.