अहमदनगर : लोकसभा निवडणुकीची रणधुमाळी सुरु असून सर्वच राजकीय पक्षांचे उमेदवार जोमाने प्रचाराला लागले आहेत. मंगळवारी एकनाथ शिंदे यांच्या शिवसेनेचे खासदार आणि महायुतीचे उमेदवार सदाशिव लोखंडे संगमनेर तालुका दौऱ्यावर होते. आपल्या विशिष्ट शैलीने ग्राहकांशी बोलण्यासाठी आणि अतिशय चविष्ट वडापावसाठी जिल्ह्यासह राज्यभरात प्रसिद्ध असलेले समनापुर येथील अन्सार चाचा यांच्या नसिब वडापाव येथे लोखंडेंनी भेट दिली.

यावेळी खासदार सदाशिव लोखंडे यांना वडापाव खाण्याचा मोह आवरला नाही. खासदारांचा ताफा अचानक अन्सार चाचांच्या दुकानासमोर थांबताच अन्सार चाचांनी देखील दुकानातून बाहेर येत खा. लोखंडे यांचे स्वागत केले.
शरद पवारांच्या राष्ट्रवादीची दुसरी यादी फायनल, ज्योती मेटे ‘सिल्व्हर ओक’ला, पाच संभाव्य उमेदवार कोण?
खा. लोखंडे यांनी अन्सार चाचांचा हात हातात घेत त्यांचा फेमस डायलॉग ..”खाता की नेता” म्हणताच उपस्थितांसह अन्सार चाचा देखील खळखळून हसले. आणि उत्तरात म्हणाले… “पहिली खाता अन् मग नेता” नेत्या समोर खाता आणि नेता असे यमक योगायोगाने जुळल्याने अन्सार चाचांना हसू आवरले नाही.
ठाकरेंचं धक्कातंत्र, श्रीकांत शिंदेंच्या कल्याणमधून सर्वसामान्य रणरागिणी, वैशाली दरेकर कोण?
त्यानंतर चाचांनी सदाशिव लोखंडे यांच्यासह सर्व पदाधिकारी आणि कार्यकर्त्यांना वडापाव खाण्याचा आग्रह केला. आपल्या यंत्रणेला प्रचंड वेग धारण करत वडापाव देण्याचा आदेश दिला आणि त्यानंतर स्वतः हाताने खासदारांना वडापाव देखील खाऊ घातला.
Read Latest Maharashtra News Updates And Marathi News

यावेळी अन्सार चाचांनी आपली प्रतिक्रिया देताना पुन्हा नवीन डायलॉगला जन्म देत म्हणाले “आमच्याकडे जे वडे खाता, ते 100 टक्के निवडूनच येता” असे म्हणत खासदार साहेब आज माझ्या दुकानात आले व त्यांनी वडापावसुद्धा खाल्ला मला फार आनंद झाल्याचे सांगत त्यांनी विजयासाठी खासदार लोखंडे यांना शुभेच्छा दिल्या आहेत.