सातारा : शरद पवार सातारा दौऱ्यावर असून सातारा आणि माढा लोकसभा मतदारसंघातील कार्यकर्त्यांच्या बैठकीला त्यांनी उपस्थिती लावली. दोन्ही मतदारसंघातील उमेदवार निश्चित करण्यासाठी या बैठकीत चर्चा करण्यात आली. मात्र विद्यमान खासदार श्रीनिवास पाटील यांनी निवडणुकीच्या रिंगणातून माघार घेतल्याचं वृत्त आहे. त्यामुळे पवारांसाठी हा मोठा धक्का मानला जातो. परंतु शरद पवार यांनी सातारा लोकसभा मतदारसंघातून उभे राहावे अशी आग्रही मागणी होत आहे.

सातारा आणि माढा हे लोकसभा मतदारसंघ मागील काळात राष्ट्रवादी काँग्रेस पक्षाचे बालेकिल्ले राहिलेत. छत्रपती उदयनराजे भोसले यांनी साताऱ्यातून राष्ट्रवादीच्या तिकिटावर लढत २०१९ मध्ये विजय मिळवला होता. मात्र अवघ्या काही महिन्यातच त्यांनी पक्षाला रामराम ठोकत भाजपमध्ये प्रवेश केला. उदयनराजेंनी खासदारकीचा राजीनामा दिल्याने पोटनिवडणूक जाहीर झाली. यावेळी पवारांनी मोठ्या शिताफीने मित्रवर्य श्रीनिवास पाटील यांना उमेदवारी देत साताऱ्याचा गड आपल्याकडे राखला आणि राजेंना पराभवाचा धक्का दिला.
पुण्यात तिकिटापासून ‘वंचित’ राहिलेले वसंत मोरे प्रकाश आंबेडकरांच्या भेटीला, पाठिंबा मिळणार?
सातारा लोकसभा पोटनिवडणुकीत विजयी झालेल्या श्रीनिवास पाटील यांना पुन्हा खासदारकीची संधी मिळणं निश्चित मानलं जात होतं. मात्र त्यांनी निवडणुकीच्या रिंगणातून माघार घेतली आहे. त्यानंतर शशिकांत शिंदे, बाळासाहेब पाटील आणि सुनील माने यांची नावं सातारा लोकसभेसाठी आघाडीवर आहेत. भाजपकडून छत्रपती उदयनराजे भोसले यांचे नाव सातारा लोकसभेसाठी जवळपास निश्चित मानले जाते. त्यामुळे राजेंविरोधात राष्ट्रवादीचा कुठला उमेदवार असणार, याची उत्सुकता आहे.
सात खासदारांना ‘तिकीट’दिलासा, एकाचा पत्ता कट, मुख्यमंत्र्यांच्या लेकासह चौघे विद्यमान गॅसवर
‘श्रीनिवास पाटील यांनी निवडणूक लढवावी, अशी आमची इच्छा होती. परंतु प्रकृतीच्या कारणास्तव त्यांनी निवडणूक लढण्यास नकार दिला. मी मुद्दाम साताऱ्यात येऊन तुमच्याशी संवाद साधत आहे. तीन पक्ष मिळून यंदा एकत्र निवडणूक लढत आहेत. महाविकास आघाडीचं जागावाटप पूर्ण झालं आहे. एकापेक्षा जास्त जण साताऱ्यातून लढण्यास उत्सुक आहेत. काही जणांनी मी निवडणूक लढवावी, असाही आग्रह धरला.’ असं शरद पवार कार्यकर्त्यांशी संवाद साधताना म्हणाले.

Read Latest Maharashtra News Updates And Marathi News

दुसरीकडे, माढ्यातून रणजितसिंह निंबाळकरांना भाजपने उमेदवारी दिल्यामुळे मोहिते-पाटील कुटुंब नाराज आहे. ते राष्ट्रवादी काँग्रेस – शरदचंद्र पवार पक्षात प्रवेश करणार असल्याची चर्चा आहे.