मंचर (पुणे): राष्ट्रवादी काँग्रेस पक्षात आज शिवाजीराव आढळराव पाटील यांचा पक्षप्रवेश पार पडला. मात्र ही सभा एका वेगळ्या विषयाने चर्चेत आली. ती म्हणजे खेड विधानसभेचे आमदार दिलीप मोहिते पाटील यांच्या एंन्ट्रीने. त्यावेळी राष्ट्रवादीचे प्रदेशाध्यक्ष सुनील तटकरे यांच्या भाषणावेळी दिलीप मोहिते यांची एंन्ट्री झाली अन् तटकरे यांनी मोहिते यांना कोपरखळी मारली, दिलीपराव तुमची एंन्ट्री सुनील गावसकरसारखी आहे, असे म्हणताच एकच हशा पिकला.
अकोला लोकसभा मतदारसंघात भाजपमध्ये बंडखोरी? प्रमोद पोहरे अपक्ष अर्ज दाखल करणार
मंचर येथे शिवाजीराव आढळराव पाटील यांचा पक्षप्रवेश उपमुख्यमंत्री अजित पवार, सहकारमंत्री दिलीप वळसे पाटील, प्रदेशाध्यक्ष सुनील तटकरे, आमदार अतुल बेनके, दिलीप मोहिते पाटील, रुपाली चाकणकर यांसह आदी मान्यवरांच्या उपस्थितीत पार पडला. त्यावेळी तटकरे यांनी ही बॅटिंग केली. यावेळी तटकरे म्हणाले की, ज्यावेळी राष्ट्रवादीत फूट पडली. त्यावेळी वाटलं होत दिलीपराव येतील की नाही आणि आजही आढळराव यांच्या पक्षप्रवेशावेळी देखील दिलीपराव येतील की नाही तेवढ्यात दिलीप मोहिते यांची एंन्ट्री झाली.

सुनील तटकरे म्हणाले की, दिलीपराव तुमची एंट्री सुनील गावसकर सारखी आहे. अगदी वेळेत एंन्ट्री केली असल्याचे तटकरे यावेळी म्हणाले. जनता हीच माझी ताकद अन् काम हीच माझी ओळख’ असे ब्रीद ठेवत आढळराव पाटील यांनी आपल्या सोशल मीडियावरून अधिकृत राष्ट्रवादीत प्रवेश केल्याचे सांगितले. आढळराव पाटील यांच्या प्रवेशावेळी विरोधकांना देखील धडकी भरेल अशी अलोट गर्दी पाहायला मिळाली.