मुंबई : भाजपने अहमदनगर दक्षिणमधून डॉ. सुजय विखे पाटील यांना उमेदवारी जाहीर केली. मात्र राम शिंदे यांनी विखे पाटील यांच्या कार्यपद्धतीवर टीका केली होती. त्यामुळे अहमदनगर दक्षिणमध्ये शिंदे विरुद्ध विखे पाटील यांच्यात वाद असल्याचे समोर आले होते. हे वाद मिटवण्यासाठी राज्याचे उपमुख्यमंत्री देवेंद्र फडणवीस यांच्या ‘सागर’ या निवासस्थानी बैठक पार पडली. परंतु या बैठकीत विखे विरुद्ध शिंदे यांच्यातील मतभेद मिटले असले तरी मनभेद कायम असल्याचे पहायला मिळाले.
डॉ. सुजय विखे पाटील यांना अहमदनगर दक्षिण लोकसभा मतदारसंघाची उमेदवारी देण्यात आल्यानंतर राम शिंदे यांनी नाराजी व्यक्त केली होती. त्यामुळे राम शिंदे यांची नाराजी मिटवण्यासाठी देवेंद्र फडणवीस यांच्या सागर या निवासस्थानी डॉ. सुजय विखे पाटील, राधाकृष्ण विखे, राम शिंदे आणि देवेंद्र फडणवीस यांच्यात बैठक झाली. यावेळी राम शिंदे यांनी विखे यांच्या कार्यपद्धतीबद्दल नाराजी व्यक्त केली. तसेच पानभर तक्रारींचा पाढा वाचला.
त्यानंतर देवेंद्र फडणवीस यांनी राधाकृष्ण विखे आणि सुजय विखे यांना समज दिली. तसेच मोदींनी दिलेला अब की बार ४०० पार चा नारा पूर्ण करण्यासाठी राम शिंदे यांनी सुजय विखे यांना लोकसभा निवडणुकीत मदत करण्याचे आदेश देवेंद्र फडणवीस यांनी दिले. त्यामुळे देवेंद्र फडणवीस यांच्या मध्यस्थीनंतर राम शिंदे आणि विखे यांच्यातील मतभेद मिटले असले तरी मनभेद कायम असल्याचं पहायला मिळालं.
राम शिंदे यांनी बैठकीनंतर माध्यमांना प्रतिक्रिया दिली. यावेळी राम शिंदे म्हणाले, देवेंद्र फडणवीस यांनी माझ्या सगळ्या तक्रारी ऐकून घेतल्या. तसेच मोदींनी अब की बार ४०० पार चा दिलेला नारा पूर्ण करण्यासाठी कामाला लागण्याच्या आणि मतभेद विसरून काम करण्याच्या सूचना दिल्या आहेत. त्यामुळे मी भाजपचा निष्ठावंत कार्यकर्ता असल्याने मोदींचा शब्द पूर्ण करण्यासाठी मी काम करणार आहे.
मी विखे यांच्या आधीचा भाजपचा मूळ कार्यकर्ता आहे. त्यामुळे पक्षादेश पाळण्याविषयी मला काही नव्याने सांगण्याची गरज नाही, असं म्हणत राम शिंदे यांनी विखे पाटील यांना टोला लगावला.
४० वर्ष निष्ठावंत, सत्तरी आली, नाराजीचा काँग्रेसला काय फरक पडतो? पुण्यात माजी उपमहापौर चिडले
पक्षीय पातळीवरचे आमचे मतभेद मिटले आहेत. त्यात उपमुख्यमंत्री देवेंद्र फडणवीस यांनी यशस्वी मध्यस्थी केली आहे. आमच्यात वैयक्तिक पातळीवर काही मतभेद असले तरी ते राजकारणात काढायचे नसतात. कारण मी घरंदाज निष्ठावंत भाजपचा कार्यकर्ता आहे, असं म्हणत राम शिंदे यांनी विखे पाटील यांना टोला लगावला.
Read Latest Maharashtra News Updates And Marathi News
मतभेद मिटले, मनभेद कायम
लोकशाहीमध्ये निवडणूक म्हणजे युद्ध असतं. या युद्धात जिंकण्यासाठी आपल्या पक्षात काही मतभेद असले तरी ते निवडणुकीच्या मध्ये आणायचे नसतात. कारण मी भाजपचा निष्ठावंत, घरंदाज, खानदानी कार्यकर्ता आहे, असं म्हणत राम शिंदे यांनी अप्रत्यक्षरीत्या विखे पिता पूत्र यांना टोला लगावला. त्यामुळे राम शिंदे आणि विखे पिता पुत्र यांच्यात असलेले मतभेद देवेंद्र फडणवीस यांच्या मध्यस्थीनंतर मिटले असले तरी मनभेद कायम असल्याचं पहायला मिळत आहे.