नागपूर : केंद्रीय मंत्री नितीन गडकरी नागपूर लोकसभा मतदारसंघातून निवडणूक लढवत असल्याने संपूर्ण देशाचे लक्ष या लोकसभा मतदारसंघाकडे लागले आहे. काँग्रेसने गडकरींच्या विरोधात नागपूर पश्चिमचे आमदार, काँग्रेसचे शहराध्यक्ष आणि माजी महापौर विकास ठाकरे यांना उमेदवारी दिली आहे. आता नागपुरात गडकरी विरुद्ध ठाकरे अशी लढत होणार आहे.”मागच्या काळात लोकशाही संपुष्टात आल्यासारखी वाटत होती कोणाची कोणाचीही सरकार पाडणे, कोणावरही गुन्हा दाखल करणे, कोणालाही जेल मध्ये टाकणे अशी अनेक कामं होत आहे. त्यामुळे देशातील जनता त्रस्त आहे म्हणून मला वाटते की ही लढाई एका व्यक्तीची नाही तर देशातील लोकशाही वाचवण्यासाठी ही लढाई आहे आणि नागपुरातील जनता लोकशाही वाचवणाऱ्या पक्षासोबत राहील”,असं विकास ठाकरे म्हणाले.
शाहू छत्रपती-उदयनराजेंना उमेदवारी, धनगर समाजातही राजे होते, राम शिंदेंबाबत यशवंत सेनेची मोठी घोषणा

विकास पुरुष्या नावाने ओळखले जाणारे नितीन गडकरी यांच्या आव्हानाबद्दल विचारले असता ठाकरे म्हणाले की, ”विकास पुरुष म्हणजे एकदा जनतेने निवडून दिल्यावर त्या पदावर जाऊन काम करायची संधी मिळाली. जनतेने त्यांना १० वर्ष निवडून दिले, जनतेने मला सुद्धा या शहराचा महापौर बनवलं होतं. त्या काळात शहराच्या ज्या योजना आल्या होत्या मिहान, मेट्रो, आयडीपीच्या पाय भरण्याची योजना तेव्हाच सुरू झाली होती. ज्या पदावर जनता निवडून पाठवते आणि जे अधिकार कायद्याने मिळतात तेव्हा काम करताना तुमच्या व्हिजन कळते आणि कोण विकास करू शकते हे सुद्धा कळेल”.

”मोदींनी १० वर्षांत लोकशाही नष्ट करण्याचा प्रयत्न केला. आता ते संविधान बदलण्याबाबत बोलत आहेत. मी संविधान वाचवण्यासाठी इंडिया आघाडीचा उमेदवार आहे. ज्या देशात लोकशाही संपुष्टात येत आहे त्यावर या देशात मतदान होणार आहे. लोकशाहीमध्ये संविधानाने जो अधिकार दिला आहे ते या संविधान वाचवण्यासाठी जनता मतदान करणार आहे”.

पाच लाखांहून अधिक मताधिक्याने भाजप येईल, असा विश्वास भाजपने व्यक्त केला आहे. त्यावर बोलतांना विकास ठाकरे म्हणाले, ”या शहराची विचारधारा आपण पाहिले असेल तर नागपूरने काँग्रेसला १३ वेळा खासदार निवडून दिले आहे. तर भाजपला तीनदा ही संधी दिली आहे”, असेही विकास ठाकरे म्हणाले.