म. टा. प्रतिनिधी, मुंबई : विद्याविहार ते ठाणे आणि मानखुर्द ते नेरूळदरम्यान मध्य रेल्वेने उद्या, रविवारी ब्लॉक घोषित केला आहे. पश्चिम रेल्वेने बोरिवली ते भाईंदरदरम्यान शनिवारी मध्यरात्रीनंतर ब्लॉक घेण्याचा निर्णय घेतला आहे. यामुळे रविवारी दिवसा पश्चिम रेल्वेवर कोणताही ब्लॉक असणार नाही. ब्लॉक कालावधीत रेल्वे रुळांची देखभाल-दुरुस्ती करण्यात येते. रविवारच्या ब्लॉकमुळे काही लोकल फेऱ्या रद्द होणार असून काही फेऱ्या विलंबाने धावणार आहेत.

मध्य रेल्वे

स्थानक- विद्याविहार ते ठाणे

मार्ग- पाचवा आणि सहावा

वेळ- सकाळी ८ ते दुपारी १२.३०

परिणाम- ब्लॉक कालावधीत पाचव्या आणि सहाव्या मार्गावरील मेल-एक्स्प्रेस अप-डाउन जलद मार्गावरून धावणार आहेत. यामुळे जलद मार्गावरील काही लोकल फेऱ्या २५ मिनिटे विलंबाने धावतील.
शाळेत वडिलांच्या आधी आईचे नाव, महिलांना करमाफी आणि सवलती, राज्यात चौथे महिला धोरण लागू

हार्बर रेल्वे

स्थानक- मानखुर्द ते नेरूळ

मार्ग- अप आणि डाउन

वेळ- सकाळी ११.२५ ते दुपारी ४.१५

परिणाम- ब्लॉक कालावधीत सीएसएमटी ते पनवेल/ बेलापूर /वाशीदरम्यान लोकल फेऱ्या रद्द राहणार आहेत. सीएसएमटी ते मानखुर्ददरम्यान विशेष लोकल फेऱ्या चालवण्यात येणार आहेत.

पश्चिम रेल्वे

स्थानक- बोरिवली-भाईंदर

मार्ग- अप आणि डाउन जलद

वेळ- शनिवारी रात्री ११.३० ते रविवारी पहाटे ४.४०

परिणाम- ब्लॉक कालावधीत जलद मार्गावरील लोकल फेऱ्या धीम्या मार्गावर वळविण्यात येणार आहेत. रात्रकालीन ब्लॉकमुळे रविवारी दिवसा ब्लॉक नाही.