आरोग्यमंत्री डॉ. तानाजी सावंत यांनी नकार दिल्याचे समजतंय. जर डॉ. तानाजी सावंत नसतील तर माजी खासदार प्रा. रविंद्र गायकवाड यांना शिवसेना शिंदेगटाकडून उमेदवारी मिळु शकते. या संदर्भात चर्चा करण्यासाठी धाराशिव जिल्हयातील शिंदेगटातील प्रमुख पदाधिकारी यांची बैठक उदया मुंबईत आयोजित केली.या बैठकीसाठी जिल्हयातील पदाधिकारी आज रात्री मुंबईकडे रवाना झाले आहेत.
धनंजय सावंतांचे पुनर्वसन…..
जर लोकसभेसाठी आरोग्यमंत्री डॉ. तानाजी सावंत यांना उमेदवारी मिळाली तर परंडा- भुम- वाशी विधानसभेसाठी विचार होवु शकतो. धनंजय सावंत हे परंडा तालुक्यातुन दोन वेळा जिल्हा परिषद सदस्य म्हणून निवडून गेले आहेत. तालुक्यात दांडगा संपर्क असल्यामुळे कार्यकर्त्याची फळी तयार झाली आहे. तसेच जिल्हयातील राजकारण धनंजय सावंत पाहत असल्यामुळे मोठा जनसंपर्क आहे.
Read Latest Maharashtra News And Marathi News
भाजपाच्या आ.राणाजगजितसिंह पाटील, बसवराज पाटील यांची आदला बदली…..
लोकसभा लढविण्यास इच्छुक असणारे भाजपाचे तुळजापूरचे आमदार राणाजगजितसिंह पाटील विधानसभा निवडणुकीत आपल्या पारंपरिक मतदारसंघ धाराशिव-कळंब मतदारसंघातून उद्धव ठाकरे गटाचे आमदार कैलास घाडगे पाटील यांच्या विरुद्ध विधानसभेची निवडणुक लढवू शकतात.
बसवराज पाटलांसाठी नव्याने मतदार संघ……
आमदार राणाजगजितसिंह पाटील हे धाराशिव-कळंब मतदारसंघातून निवडणुकीस थांबल्यानंतर तुळजापूर विधानसभेसाठी काँग्रेसमधून नव्याने प्रवेश केलेले माजी मंत्री बसवराज पाटील यांना उमेदवारी मिळू शकते. काँग्रेसकडे या मतदारसंघात तुल्यबळ उमेदवार नसल्यामुळे माजी मंत्री जेष्ठ नेते मधुकर चव्हाण यांच्या विरुध्द बसवराज पाटील यांची लढत होऊ शकते. तुळजापूर मतदारसंघातील लिंगायत समाजाचे मतदान आणि भाजपाचे मतदार याचा फायदा बसवराज पाटील यांना होऊ शकतो.