मुंबई, दि. १ : माहिती व जनसंपर्क महासंचालनालय निर्मित ‘दिलखुलास’ आणि ‘जय महाराष्ट्र’ कार्यक्रमात ठाणे येथील ‘राज्यस्तरीय नमो महारोजगार मेळाव्याच्या नियोजनासंदर्भात महाराष्ट्र राज्य नाविन्यता कौशल्य सोसायटीच्या आयुक्त निधी चौधरी यांची मुलाखत ४ व ५ मार्च रोजी प्रसारित होणार आहे.
कौशल्य, रोजगार, उद्योजकता, नाविन्यता विभागांतर्गत सुशिक्षित तरुण-तरुणींसाठी राज्य शासनामार्फत विभागस्तरीय, राज्यस्तरीय ‘नमो महारोजगार’ मेळाव्याचे आयोजन करण्यात आले आहे.त्याच अंतर्गत ठाणे जिल्ह्यात ६ आणि ७ मार्च २०२४ रोजी सकाळी १० ते सायंकाळी ५ पर्यंत नमो महारोजगार मेळाव्याचे आयोजन करण्यात आले आहे. मेळाव्याचे आयोजन, होणाऱ्या विविध रोजगार व स्वयंरोजगाराबाबत मार्गदर्शन, शासकीय आणि खासगी संस्थाचा सहभाग, नोकरी युवक, युवतींच्या मुलाखती, महा एक्स्पोबाबत सविस्तर माहिती आयुक्त चौधरी यांनी ‘दिलखुलास’ आणि ‘जय महाराष्ट्र’ कार्यक्रमातून दिली आहे.
‘दिलखुलास’ कार्यक्रमात श्रीमती चौधरी यांची मुलाखत सोमवार दि. ४ आणि मंगळवार दि. ५ मार्च २०२४ रोजी आकाशवाणीच्या सर्व केंद्रावरून व न्यूज ऑन एआयआर’ या मोबाईल ॲपवर सकाळी ७.२५ ते ७.४० या वेळेत प्रसारित होणार आहे. ‘जय महाराष्ट्र’ कार्यक्रमात ही मुलाखत सोमवार दि. ४ मार्च २०२४ रोजी सायंकाळी ७.३० वा. महासंचालनालयाच्या समाजमाध्यमांच्या पुढील लिंकवर ऐकता येणार आहे. निवेदक सुषमा जाधव यांनी ही मुलाखत घेतली आहे.
महासंचालनालयाच्या समाजमाध्यमांच्या लिंक
एक्स – https://twitter.com/MahaDGIPR
फेसबुक – https://www.facebook.com/MahaDGIPR
यु ट्यूब – https://www.youtube.co/MAHARASHTRADGIPR
0000