पुणे : मनोज जरांगे पाटील यांच्यावर काही दिवसांपासून आरोप करणाऱ्या अजय बारस्कर यांनी जरांगे यांना उपोषण सोडण्यासाठी संत तुकाराम महाराजांचा आदेश आहे, असे वक्तव्य केले होते. तसेच बारस्कर यांनी मी देहूतून आलो असल्याचे सांगितले होते. त्यावर आता देहू संस्थानकडून मोठा खुलासा करण्यात आला आहे. संत तुकाराम महाराजांच्या वंशजांकडून याबाबत प्रतिक्रिया देण्यात आली आहे. अजय बारस्कर याचा देहू संस्थानशी कसलाही संबंध नाही, असं माणिक महाराज मोरे यांनी म्हटलं आहे. मनोज जरांगे यांच्यासोबत असल्याचं देखील त्यांनी म्हटलं.

बारस्कर नावाचा माणूस हा देहूतील नसून त्याचा जगद्गुरु संत तुकाराम माहराजांच्या नावाचा वापर स्वत:च्या हितासाठी करण्याचा त्याला कोणताही अधिकार नाही. तसेच अजय बारस्कर याचा देहू आणि देहू संस्थांशी कोणताही संबंध नसल्याचे देहू संस्थांकडून स्पष्ट करण्यात आले आहे. तसेच देहू संस्थान हे मनोज जरांगे यांच्या पाठीशी असल्याचे देखील सांगण्यात आले आहे.

कार्ला फाटा येथे रास्ता रोको आंदोलन झाल्यानंतर मावळ मधील मराठा आंदोलक हे देहूतील संत तुकाराम महाराजांच्या वंशजांना भेटण्यासाठी गेले. मनोज जरांगे पाटील यांच्याविषयी वक्तव्य करणाऱ्या अजय बारस्कर यांचा निषेध देहू संस्थान कडून व्यक्त करण्यात आला.
Read Latest Maharashtra News And Marathi News

माणिक महाराज मोरे यांनी आम्ही बारस्कर या माणसाला ओळखत नाही, काळा की गोरा हे पाहिलं नसल्याचं म्हटलं. संतांची नावं घेऊन एखादी गोष्ट समाजामध्ये वितुष्ट निर्माण होईल अशी त्यांनी करु नये. बारस्कर यांनी कुठल्याच संतांचं नाव घेऊ नये. बौद्धिक, वैचारिक पणे प्रत्येक जण संतांसोबत असतो. म्हणून संतांचा वापर करुन कुठंही काही करावं, आम्ही त्याचा साफ निषेध करतो. संत तुकोबारायांचं नाव घेऊन त्यांनी एकही शब्द बोलू नये हे देहूकरांचं आणि संप्रदायाचं म्हणनं आहे. तुझ्या ताकदीनं मुद्दे मांड, असं माणिक महाराज मोरे म्हणाले.
मनोज जरांगे आणि बारसकर महाराज यांच्यात आरोपांच्या फैरी, मराठा आंदोलनात फूट? उदय सामंत म्हणाले…
माणिक महाराज मोरे यांनी ते मनोज जरांगे यांच्यासोबत असल्याचं म्हटलं आहे.समाजाच्या हितासाठी काम करणाऱ्या माणसाला ताकद देणं समाजाचं काम असल्याचं माणिक महाराज मोरे म्हणाले.
मोठी बातमी: मनोज जरांगे पाटलांवर आरोप करणाऱ्या अजय महाराज बारस्करांवर मराठा आंदोलकांचा हल्ल्याचा प्रयत्न

अजय बारस्कर यांचा देहूशी कसलाही संबंध नाही. कुठल्याही वारकरी परंपरेतील लोकांनी संतांचा वापर वैयक्तिक गोष्टीसाठी करु नये. संतांना कुठल्याही जाती पातीत वाटू नका. वारकरी संप्रदायाला कशातही ओढू नये, अशी इच्छा असल्याचं मत पुरुषोत्तम महाराज मोरे यांनी व्यक्त केला आहे. अजय बारस्कर यांच्या वक्तव्याशी सहमत नाही, असं पुरुषोत्तम महाराज मोरे यांनी म्हटलं.