पुणे: पुण्यात गुन्हेगारांना आळा घालावा तरी कसा? असा प्रश्न पोलीस दलात देखील पडला आहे. रोज एक नवीन आणि भयानक प्रकारचे गुन्हे पुणे शहरात घडत आहे. आज देखील पुण्यातील खराडी परिसरात कार पार्किंगच्या वादातून गाडी फोडत पेट्रोल टाकून गाडी आणि महिलेला जाळण्याचा प्रयत्न झाल्याचा धक्कादायक घटना घडली आहे. या प्रकरणी पोलिसांनी तत्काळ गुन्हेगारांवर कारवाई करण्यात आली आहे.
साताऱ्यात धक्कादायक प्रकार, मध्यरात्री पोलिसांचा छापा पडताच नको ते दृश्य समोर, सोलापूर कनेक्शन समोर
मिळालेल्या माहितीनुसार, धीरज दिलीप सपाटे (२५) असं आरोपीचं नाव आहे. तर महेश रमेश राजे (२८) असं या फिर्यादीचे नाव आहे. आरोपी आणि फिर्यादी हे एकच लेनमध्ये राहतात. फिर्यादी आणि आरोपीमध्ये आतापर्यंत अनेक वाद झाले आहेत. मात्र दि.१७ रोजी रात्रीच्या वेळेस चार ते पाच दुचाकीवर ट्रिपल सीट १२ ते १३ तरुण बसून आले होते. त्यांनी फिर्यादी यांची नेक्सन गाडी लाकडी बांबूने फोडली. त्यानंतर पेट्रोल टाकून गाडी जाळली.

दरम्यान फिर्यादी यांचे भाडेकरू वर्षा गायकवाड हे काय झालं बघण्यासाठी बाहेर आले असताना भाडेकरू वर्षा गायकवाड हिच्या ही अंगावर पेट्रोल टाकून तिला जीवे मारण्याचा प्रयत्न केला. त्यानंतर बजाज पल्सर गाडी पण जाळून टाकली. मात्र या सगळ्या गोंधळात स्थानिक जमले आणि त्यांना पाहून आरोपीने त्या ठिकाणावरून पळ काढला. या घटनेचा सीसीटीव्ही आता समोर आला आहे. या प्रकरणी पोलीस आरोपींचा शोध घेत आहे.