मुंबई : शरद पवार यांच्यापोटी जन्म घेतला नाही म्हणून मला पक्षाध्यक्ष होता आला नाही, असे आज बारामतीत बोलताना अजित पवार म्हणाले. पण त्यांचे पुतणे होतात म्हणूनच तुम्हाला चार वेळा उपमुख्यमंत्रिपद मिळालं. कित्येक वेळा मंत्री झालात, एकदा खासदार झालात… नाहीतर राजकारणात तुमचं कर्तृत्व काय आहे? तुम्हाला हिंदी आणि इंग्रजी बोलता येत नाही, या तुमच्या मर्यादा होत्या. दिल्लीत राष्ट्रीय अधिवेशनात भाषणाची वेळ आली की, तुम्ही बाथरुममध्ये जायचात. तुमच्या मर्यादा उभ्या महाराष्ट्राला माहिती आहे. सत्तेच्या राजकारणासाठीच तुमचा जन्म झाला आहे. तुम्ही प्रचंड जातीयवादी आहात. तुमच्याएवढा कृतघ्न माणूस झाला नसेल, अशा शब्दात आमदार जितेंद्र आव्हाड यांनी अजित पवार यांच्यावर टीकेची झोड उठवली. शरद पवार यांच्याविरोधात जाऊन अजित पवार यांनी वेगळी वाट निवडल्यानंतर आज पहिल्यांदाच जितेंद्र आव्हाड यांनी

उपमुख्यमंत्री अजित पवार यांनी आज बारामतीत बोलताना ज्येष्ठ नेते शरद पवार आणि खासदार सुप्रिया सुळे यांना लक्ष्य केले. अगदी शरद पवार यांच्या पोटी जन्माला आलो नसल्याने मला संधी दिली गेली नाही. तसेच सुप्रिया सुळे काम करत नाहीत, आता पुढचा महायुतीचा खासदार प्रचंड वेगाने विकास कामे करेल, अशी ग्वाही देताना लोकसभा निवडणुकीचं रणशिंगच त्यांनी फुंकलं. अजित पवार यांच्या याच आक्रमक भाषणावर जितेंद्र आव्हाड यांनीही तितकीच रोखठोक पत्रकार परिषद घेतली. अगदी एखाद्या सभेला संबोधित करावं, त्याप्रमाणे ते अजित पवार यांच्यावर तुटून पडले. अजित पवार यांच्या आतापर्यंतच्या राजकारणाची चिरफाडच त्यांनी या पत्रकार परिषदेतून केली.

तुम्हाला राजकारणात जे जे मिळालं ते फक्त शरद पवारांमुळे मिळालं!

अजित पवार यांना जे जे मिळालं, ते फक्त शरद पवार यांच्यामुळेच मिळालं. हे उपकार मनात तरी ठेवा. कृतज्ञता तरी व्यक्त करा. एवढा कृतघ्न माणूस महाराष्ट्राच्या राजकारणात जन्मलेलाच नाहीय. परत त्याला रक्ताचं नातं जोडायचं. तुम्ही त्यांच्या भावाचा मुलगा होतात म्हणून तुम्हाला सर्व मिळालं आणि तुम्हाला सर्व गोष्टीत माफ केलं. आमच्यासारख्या मागास व्यक्तीने असं केलं असतं तर लाथ मारून आम्हाला पक्षातून हाकललं असतं, अशा शब्दात त्यांनी दादांवर पलटवार केला.

तुमचा जन्म फक्त सत्तेसाठी झाला!

तुम्हाला अधिकृतरित्या अध्यक्ष होण्यापासून कुणी वंचित ठेवलं होतं? तुम्ही आजपर्यंत पक्षाच्या कुठल्या कार्यक्रमात सहभागी झालात? पक्षाच्या कुठल्या आंदोलनात सहभागी झालात? अशी विचारणा आव्हाडांनी यावेळी अजित पवारांना केली. तुम्ही फक्त सत्तेसाठी जन्माला आलेला आहात. तुम्ही रस्त्यावर एखादं आंदोलन केलेलं आहे का? आपल्यावर पोलीस स्टेशनमध्ये कोणती पोलीस केस आहे का? तुम्ही फक्त सत्तेचं राजकारण केलं, तेही शरद पवारांचं नाव वापरुन. तुम्ही त्यांच्या रक्ताचे नसलात तरी त्यांच्या रक्तातच होतात. तुमच्या मनाप्रमाणे सगळं केलं तीच शरद पवार यांची चूक झाली, असंही बेधडकपणे आव्हाड म्हणाले.

आव्हाडांनी असं केलं असतं, तर शरद पवारांनी पक्षात ठेवलं असतं का?

तुम्ही १९९१ साली खासदार झाले. १९९३ साली तुम्ही परत आमदार झाले. त्यांच्यानंतर १९९९ सालापासून २०१४ पर्यंत सर्व महत्त्वाची खाती तुमच्याकडे होती. तुमची सर्व बदनामी ही पक्षाला हानीकारक होती. तरीही शरद पवारांनी ती पोटात घातली. ही शरद पवारांची चूक होती. तुम्ही कुठे कुठे काय बोललात, ते सर्व महाराष्ट्राला माहिती आहे. जितेंद्र आव्हाडांनी असं केलं असतं, तर शरद पवारांनी पक्षात ठेवलं असतं का? असा सवाल देखील त्यांनी यावेळी केला. तुम्ही आमच्याबद्दल काय खोटं-नाटं शरद पवारांना सांगायचे आम्हाला माहिती आहे. तुम्हाला तेवढेच धंदे होते. माझ्याकडे त्याचे पुरावे आहेत. हे सर्व माझ्या बाबतीत घडलेलं आहे, असंही आव्हाड म्हणाले.

अजित पवार प्रचंड जातीयवादी आहेत

छगन भुजबळांनी शपथ घेऊन सांगावं की, अजित पवारांनी ओबीसींचा निधी थांबवला नव्हता. एससी, एसटी, एनटी आणि ओबीसी यांचा निधी थांबावण्याचं काम अजित पवारांनी केलं. जातीयवाद पाळणारे महाराष्ट्रात जे मंत्री असतील ते फक्त अजित पवार आहेत. शरद पवार नसते तर अजित पवार कुठे असते? आमचं कर्तृत्व होतं म्हणून आम्ही इथपर्यंत आलो. आम्हाला शरद पवारांनी आशीर्वाद दिले. पण आम्ही रस्त्यावरची पोरं होतो. मारामाऱ्या करायचो पोस्टर फाडायचो, पेपर जाळायचो. शरद पवारांविरोधात कुणीही बोललं तरीही आम्ही त्यांच्या अंगावर जायचो. कितीजण तुमच्यामुळे पक्ष सोडून गेले? असा सवाल आव्हाडांनी अजित पवारांना केला.

शरद पवार यांना डसायला जाऊ नका…

तुमचे आणि प्रफुल्ल पटेल, छगन भुजबळ, दिलीप वळसे पाटलांचे किती सुमधूर संबंध होते हे आम्हाला चांगलं माहिती आहे. सत्तेच्या लालचेपोटी तुम्ही एकत्र आले. राहा पण उगाच शरद पवारांना डसायला जाऊ नका, बात निकलेगी तो दूर तक जायेगी, असा निर्वाणीचा इशाराही आव्हाडांनी अजित पवारांना दिला. भाषणाची वेळ आली की, तुम्ही नेहमी पळून जायचे. जेव्हा दिल्लीमध्ये भाषण असायचं तेव्हा तुम्ही बाथरुमध्ये असायचे. जेव्हा जेव्हा शरद पवारांची पॉप्युलॅरिटी हिमालयावर असायची, तेव्हा तुम्ही खालून पिन मारुन पंक्चर करुन टाकायचे. राजीनामा द्यायचे किंवा काहीतरी बोलायचे, अशी टीकाही त्यांनी अजित पवार यांच्यावर केली.

शिखर बँकमध्ये तुम्ही लोचे केले आणि प्रकरण शरद पवारांवर आलं

शिखर बँकमध्ये तुम्ही लोचे केले आणि ते सर्व प्रकरण आलं शरद पवारांवर. त्या प्रकरणात लगेच दु:ख व्यक्त करत तुम्ही राजीनामा दिला. चारवेळा जे उपमुख्यमंत्री पद मिळालं ते फक्त शरद पवारांमुळे मिळालं. हे उपकार मनात तरी ठेवा. कृतज्ञता तरी व्यक्त करा. एवढा कृतघ्न माणूस महाराष्ट्राच्या राजकारणात जन्मलेलाच नाहीय. परत त्याला रक्ताचं नातं जोडायचं. तुम्ही त्यांच्या भावाचा मुलगा होतात म्हणून तुम्हाला सर्व मिळालं आणि तुम्हाला सर्व गोष्टीत माफ केलं. आमच्यासारख्या मागास व्यक्तीने असं केलं असतं तर लाथ मारून आम्हाला पक्षातून हाकललं असतं. हे सर्व बोलायला मला वाईट वाटतं. एवढे वर्ष काम करुनसुध्दा या माणसाला शरद पवारांची ओळख पटली नाही. काय ते बाबाबा….काय ते काकाका…. तुमचा एक निर्णय असा सांगा की त्याचा फायदा महाराष्ट्राला झाला, असा सवालही आव्हाडांनी केला.
बात निकलेगी तो दूर तलक जाएगी, शरद पवारांवर टीका करणाऱ्या दादांना आव्हाडांचा निर्वाणीचा इशारा

जो नाही झाला काकाचा, तो काय होणार महाराष्ट्राचा?

तुम्हाला फक्त सुप्रमा जमलं. तुम्ही नावाच्या मागे सुप्रमा लावा. जो नाही काकाचा, जो नाही बहिणीचा, जो नाही काकींचा, ज्या माऊलीने तुम्हाला खायला घातलं, तो काय होणार महाराष्ट्राचा. उत्तर आम्हालाही देता येतं. फक्त साहेबांवर बोलणं टाळा, ही विनंती करतो. तुम्ही जेवढं थुंकतात तेवढं तुमच्या तोंडावर पडतंय. ८४ वर्षांच्या म्हाताऱ्याला तुम्ही असं टोचून बोलणार असाल तर ही महाराष्ट्राची संस्कृती नाहीय, असंही त्यांनी सुनावलं.