नेमकी घटना काय?

मिळालेल्या माहितीनुसार, चिंचोली लिंबाजी येथील रहिवासी नारायण साहेबराव थोटे (वय 35), त्यांची पत्नी देवशाला (वय 30), मुलगी गायत्री थोटे (वय 6 वर्षे) आणि मुलगा आयुष थोटे (वय 2 वर्षे) या चौघांनी रात्री घरी बनवलेली खिचडी खाल्ली होती. मात्र, पहाटेपासूनच घरातील चौघांनाही उलट्या आणि जुलाबाचा तीव्र त्रास सुरू झाला. प्रकृती खालावल्यानं दोन्ही चिमुकल्यांना तातडीने रुग्णालयात हलवण्यात आलं.

Manoj Jarange Patil: मनोज जरांगे पाटील यांची मुंबईकडे कूच करण्याची तारीख जाहीर; राज्यभरातील मराठा बांधवांना महत्त्वाचं आवाहन

रात्रभर मृत्यूशी झुंज अपुरी

गुरुवारी 10 सप्टेंबर रोजी पहाटे दोन वर्षांच्या आयुषला उपचारासाठी सिल्लोडकडे नेलं जात असताना रस्त्यातच त्याची प्राणज्योत मालवली. तर, अत्यंत गंभीर अवस्थेत छत्रपती संभाजीनगर येथील खासगी रुग्णालयात दाखल करण्यात आलेल्या सहा वर्षांच्या गायत्रीची गुरुवारी रात्रभर मृत्यूशी झुंज अपुरी पडली आणि काल शुक्रवारी सकाळी 9 वाजता तिनेही अखेरचा श्वास घेतला. मुलाच्या मृत्यूच्या धक्क्यातून आई सावरत नाही तोच मुलीचाही मृत्यू झाल्यानं हा दुहेरी डोंगर कसा सहन होणार, या भीतीनं नातेवाईकांनी गायत्रीच्या मृत्यूची बातमी आई देवशाला यांच्यापासून तब्बल 10 तास लपवून ठेवली होती.

Prathamesh Deshmukh : ‘त्याला चहाचंही व्यसन नाही, पोलीस अधिकारी बदला’; प्रथमेश देशमुख प्रकरणात कुटुंबीयांचा संताप, पुणे पोलिसांचा दावा फेटाळला

अवघ्या पाच मिनिटे आधी आईला सांगितलं

सायंकाळी अंत्यसंस्कारासाठी गायत्रीचं पार्थिव गावात आणण्यापूर्वी अवघ्या पाच मिनिटे आधी आईला ही माहिती देण्यात आली. दरम्यान, घटनेची माहिती मिळताच अन्न व औषध प्रशासन विभाग आणि पिशोर पोलीस ठाण्याच्या पथकानं थोटे कुटुंबीयांच्या घरी भेट देऊन पाहणी केली. अधिकारी एम. एल. सिद्दिकी यांच्या पथकाने घरातील खिचडी, अन्नधान्य आणि इतर साहित्याचे नमुने तात्काळ जप्त करून प्रयोगशाळेत तपासणीसाठी पाठवले आहेत. या रासायनिक विश्लेषणाचा अहवाल आल्यानंतरच विषबाधेचं नेमकं कारण स्पष्ट होईल, असं प्रशासनाकडून सांगण्यात आले.