मुंबई: महाराष्ट्र पर्यटन विभागाने ‘आई’ या योजनेंतर्गत पर्यटनक्षेत्रात महिलांचे सबलीकरण करण्याची योजना हाती घेतली आहे. त्या योजनेचे देशभर विपणन केले जात आहे. वांद्रे कुर्ला संकुलात (बीकेसी) गुरुवारपासून सुरू झालेल्या ओटीएम पर्यटन प्रदर्शनात महाराष्ट्र पर्यटनने विशेष दालन उभे केले आहे. त्याद्वारे राज्याची माहिती दिली जात आहे. ओटीएम हे पर्यटन क्षेत्रातील सर्वात मोठ्या प्रदर्शनापैकी एक असते. यंदा या तीन दिवसीय प्रदर्शनाची सुरुवात गुरूवारी बीकेसीतील जिओ कन्व्हेन्शन केंद्रात झाली. त्यामध्ये राज्य व केंद्रशासित प्रदेशांच्या पर्यटन विभागांसह पर्यटन व्यवस्थापकांच्या ४० दालनांचा समावेश आहे. त्यामध्येच महाराष्ट्र पर्यटन विभागाने स्वतंत्र दालन मांडले आहे.
महाराष्ट्र पर्यटन विकास महामंडळासह राज्याच्या पर्यटनस्थळांची तसेच अन्य माहिती देण्यात आली आहे. यामध्येच ‘आई’ या योजनेचा समावेश आहे. राज्याच्या पर्यटनक्षेत्रात महिलांना अधिक प्रोत्साहन देण्यासाठी पर्यटनमंत्री गिरीश महाजन यांनी ‘आई’ या योजनेची घोषणा दोनच दिवस आधी ओटीएम परिषदेच्या निमित्ताने केली. या उपक्रमांतर्गत पर्यटन विभाग प्रत्येक जिल्ह्यात महिलांच्या मालकीच्या आणि चालवल्या जाणाऱ्या दहा व्यवसायांची नोंदणी करण्याची योजना आखण्यात आली आहे. त्यामध्ये होम स्टे, हॉटेल्स, रेस्टॉरंट्स, टूर आणि ट्रॅव्हल एजन्सी यांसारख्या विविध क्षेत्रांचा समावेश आहे. याबाबतची माहिती ओटीएम प्रदर्शनात देण्यात येत आहे.
महाराष्ट्र पर्यटन विकास महामंडळासह राज्याच्या पर्यटनस्थळांची तसेच अन्य माहिती देण्यात आली आहे. यामध्येच ‘आई’ या योजनेचा समावेश आहे. राज्याच्या पर्यटनक्षेत्रात महिलांना अधिक प्रोत्साहन देण्यासाठी पर्यटनमंत्री गिरीश महाजन यांनी ‘आई’ या योजनेची घोषणा दोनच दिवस आधी ओटीएम परिषदेच्या निमित्ताने केली. या उपक्रमांतर्गत पर्यटन विभाग प्रत्येक जिल्ह्यात महिलांच्या मालकीच्या आणि चालवल्या जाणाऱ्या दहा व्यवसायांची नोंदणी करण्याची योजना आखण्यात आली आहे. त्यामध्ये होम स्टे, हॉटेल्स, रेस्टॉरंट्स, टूर आणि ट्रॅव्हल एजन्सी यांसारख्या विविध क्षेत्रांचा समावेश आहे. याबाबतची माहिती ओटीएम प्रदर्शनात देण्यात येत आहे.
याखेरीज महाराष्ट्रातील मुंबईसारखे गजबजलेले महानगर; लोणावळा-खंडाळा; महाबळेश्वरसारखी थंड हवेची ठिकाणे; अजिंठा आणि वेरूळ येथील प्राचीन लेणी तसेच अलिबाग आणि तारकर्लीचे निर्मळ समुद्रकिनारे यांसारखी पर्यटनस्थळे, तेथील सोयी-सुविधा, त्यासंबंधीचे नकाशे, पर्यटन वैशिष्ट्ये, राज्याचा संपूर्ण नकाशा हेदेखील या प्रदर्शनाला भेट देणारे अन्य राज्यांचे पर्यटन अधिकारी, पर्यटन क्षेत्रातील व्यवस्थापक, टूर एजन्ट्स यांच्यासाठी उपलब्ध करण्यात आले आहेत. त्यांच्यामार्फत महाराष्ट्राचे पर्यटन देशभर पोहोचविले जात आहे, असे महाराष्ट्र पर्यटनचे कोकण विभागीय संचालक हनुमंत हेडे यांनी सांगितले.
राज्याच्या पर्यटन सचिव जयश्री भोज व पर्यटन संचालक डॉ. बी. एन. पाटील यांनी या पॅव्हेलियनच्या निमित्ताने राज्याचे पर्यटन राष्ट्रीय पातळीवर पोहोचल, असा विश्वास व्यक्त केला आहे. महाराष्ट्र पर्यटन विकास महामंडळाचे महाव्यवस्थापक चंद्रशेखर जैस्वाल यांनी या प्रदर्शनाला पहिल्या दिवशी भेट दिली.