जिल्ह्यातील मुदखेड तालुक्यातील एका गावातील बेपत्ता असलेल्या ६ वर्षीय मुलीचा मृतदेह १५ जानेवारी रोजी आढळल्याने खळबळ उडाली होती. मुदखेड शहराजवळ उमरी रोडवर चिमुकलीचा मृतदेह मिळाला होता. १४ जानेवारी रोजी दुपारी ३ वाजेपासून ही मुलगी बेपत्ता होती. गावापासून १२ किलो मीटर अंतरावर मुलीचा मृतदेह आढळला होता. चिमुकलीवर क्रुरतेने अत्याचार करून तिची हत्या करण्यात आल्याचे निष्पन्न झाले होते. या प्रकरणी मुदखेड पोलीस ठाण्यात गुन्हा दाखल करण्यात आला होता. या घटनेने नंतर जिल्ह्यात संतापाची लाट पसरली होती. अनेक मोर्चे काढण्यात आले होते.
दरम्यान या निर्दयी घटनेचा तपास लावण्याची मोठी जबाबदारी पोलिसांवर आली होती. मुलगी बेपत्ता झालेल्या १४ तारखेला माहिती मिळाल्यानंतर पहाटे ४ वाजेपर्यंत उपविभागीय पोलीस अधिकारी सुशीलकुमार नायक आणि त्यांच्या टीमने ग्रामस्थांसोबत संपूर्ण परिसर पिंजून काढला होता. अप्पर पोलीस अधीक्षक धरणे, उपविभागीय पोलीस अधिकारी नायक, स्थानिक गुन्हे शाखेची टीम, मुदखेड पोलिसांची टीम घटना घडल्यापासून गावात तपासात तळ ठोकून होती. पोलिसांनी गावातच कॅम्प तयार केला होता. सहा दिवस पोलिसांनी तपास सुरु ठेवला. गावातील प्रत्येकावर नजर ठेवली होती. पोलिसांच्या श्वानाने अनेकवेळा गावातील एकच ठिकाण दाखवल्याने पोलिसांचा संशय बळावला. खात्री पटल्यावर पोलिसांनी गावातील रहिवासी २३ वर्षीय दशरथ पांचाळ याला ताब्यात घेतले. खाकी वर्दीचा धाक दाखवताच आरोपीने दारूच्या नशेत त्याने हे कृत्य केल्याचे कबूल केल्याचे पोलीस अधीक्षक श्री कृष्ण कोकाटे यांनी सांगितले. आरोपीला ३१ जानेवारी पर्यंत पोलीस कोठडी न्यायालयाने सुनावली आहे..
विधानसभेला भाजपचा पराभव केला, लोकसभेला राज्यात २५ जागा जिंकणार, काँग्रेसच्या उपमुख्यमंत्र्याचा विश्वासदरम्यान आरोपीने या गुन्ह्यात आणखी जण असल्याचे सांगितल्याने पोलिसांनी एका संशयिताला ताब्यात घेतले असून त्या दृष्टीनेही तपास सुरु केला आहे. आरोपी हा गावातील रहिवासी असून तो मोलमजूरी करत होता. पोलिसांनी मोठ्या संवेदनशील गुन्ह्याची उकल केल्याने नांदेड पोलिसांचे अभिनंदन होत आहे.
Nitish Kumar: लोकसभेच्या आधी होणार मोठा राजकीय भूकंप; नितीश कुमार विधानसभा भंग करून NDAमध्ये येणार! अशा आहेत BJPच्या अटीRead Latest Maharashtra News And Marathi News