पुणे: कुख्यात गुंड शरद मोहोळची त्याच्यात साथीदाराने काहीजणांसह मिळून गोळ्या झाडून हत्या केली. या प्रकरणाने संपूर्ण पुणे हादरलं आहे. पुण्यातील कोथरूड परिसरात भरदिवसा शरद मोहोळवर गोळ्या झाडण्यात आल्या. याप्रकरणी पुणे पोलिसांनी मास्टरमाईंड नामदेव पप्पू कानगुडे उर्फ मामा, मोहोळच्या सोबत राहणाऱ्या साहिल उर्फ मुन्ना पोळेकरसह ८ जणांना अटक केली आहे. शुक्रवारी रात्री उशिरा पोलिसांनी आरोपींना अटक केली. त्यानंतर रात्री पुण्यातील वैकुंठ स्मशानभूमीत शरद मोहोळवर अंत्यसंस्कार करण्यात आले. यावेळी समर्थकांनी मोठी गर्दी केलेली पाहायला मिळाली.
मोहोळच्या अंत्ययात्रेत त्याच्या समर्थकांनी मोठी गर्दी केली होती. पुण्याच्या रस्त्यावर समर्थक तरुणांनी आपल्या दुचाकींनी जणू रॅलीच काढली होती. या गर्दीचे फोटो आणि व्हिडिओ सध्या सोशल मीडियावर मोठ्या प्रमाणात शेअर केले जात आहेत. यावेळी कुठलाही अनुचित प्रकार घडू नये म्हणून मोहोळ अंत्ययात्रेत पोलिसांचा मोठा बंदोबस्त तैनात होता. कारण, शरद मोहोळच्या हत्येनंतर पुण्यात गँगवॉर होण्याची भीती व्यक्त केली जात आहे. त्यामुळे सध्या पोलिस यासर्व परिस्थितीवर लक्ष ठेवून आहेत.
मोहोळच्या अंत्ययात्रेत त्याच्या समर्थकांनी मोठी गर्दी केली होती. पुण्याच्या रस्त्यावर समर्थक तरुणांनी आपल्या दुचाकींनी जणू रॅलीच काढली होती. या गर्दीचे फोटो आणि व्हिडिओ सध्या सोशल मीडियावर मोठ्या प्रमाणात शेअर केले जात आहेत. यावेळी कुठलाही अनुचित प्रकार घडू नये म्हणून मोहोळ अंत्ययात्रेत पोलिसांचा मोठा बंदोबस्त तैनात होता. कारण, शरद मोहोळच्या हत्येनंतर पुण्यात गँगवॉर होण्याची भीती व्यक्त केली जात आहे. त्यामुळे सध्या पोलिस यासर्व परिस्थितीवर लक्ष ठेवून आहेत.
Sharad Mohol: मोहोळ हत्या प्रकरणी मोठी अपडेट; प्लॅनिंग करुन गेम केला, २ नामांकित वकिलांचाही सहभाग
नेमकं काय घडलं?
कोथरूडमधील व्यस्त सुतारदरा येथे ५ जानेवारीला कुख्यात गुंड शरद मोहोळवर त्याच्या घराजवळच दुपारी १.२० च्या सुमारास गोळीबार झाला. त्यावेळी मागून येऊन शरद मोहोळवर अंधाधुंद गोळीबार करण्यात आला. गोळीबार केल्यानंतर आरोपींनी घटनास्थळावरुन पळ ठोकला. या घटनेनंतर परिसरात एकच खळबळ माजली. गोळी लागल्याने मोहोळ रक्ताच्या थारोळ्यात पडला. उपस्थित साथीदार आणि स्थानिक नागरिकांच्या मदतीने त्याला रुग्णालयात सह्याद्री येथे दाखल करण्यात आले. मात्र, तिथे उपचारादरम्यान त्याचा मृत्यू झाला.
ड्रायव्हर एक कुख्यात गँगस्टर कसा बनला?
शरद मोहोळ यांच्या पत्नी स्वाती यांनी एप्रिल २०२३ मध्ये भारतीय जनता पक्षात प्रवेश केला होता. मोहोळ दाम्पत्य शहरातील विविध सार्वजनिक कार्यक्रमांमध्ये नेहमी दिसत होतं. मोहोळ याच्यावर शहरातील विविध पोलिस ठाण्यात डझनाहून अधिक गंभीर गुन्हे दाखल आहेत. तो ९ वर्षे तुरुंगातही राहिला आहे. काही
शरद मोहोळ हा कुख्यात माफिया संदीप मोहोळचा सख्खा चुलत भाऊ होता. संदीप मोहोळची ऑक्टोबर २००७ मध्ये पुण्यातील रस्त्यावर गोळ्या झाडून हत्या करण्यात आली होती. गणेश मारणे टोळीने ही हत्या केली होती. तेव्हा शरद हा संदीपसाठी ड्रायव्हर म्हणून काम करत होता. संदीपची हत्या झाली तेव्हा शरद गाडी चालवत होता. २०१० ला शरद मोहोळने गणेश मारणे टोळीचा म्होरक्या किशोर मारणेला निलायम टॉकीजजवळ संपवलं होतं.
Sharad Mohol: ९ वर्ष तुरुंगात, अनेक प्रकरणांमध्ये नाव, ड्रायव्हर ते कुख्यात गँगस्टर कसा बनला शरद मोहोळ?
Read Latest Maharashtra News And Marathi News