हा सर्व प्रकार घडल्यानंतर घाबरलेल्या तरुणीने याबाबतची माहिती आपल्या नातेवाईकांना दिल्यानंतर तरुणीने दैठणा पोलीस ठाणे गाटून आरोपी प्रदीप कच्छवे यांच्या विरोधात तक्रार दिली. त्यावरून प्रदीप कच्छवे याच्यावर सुरुवातीला दैठणा पोलीस ठाण्यामध्ये विनयभंगाच्या गुन्हा दाखल करण्यात आला होता. मात्र या प्रकरणाचा पोलीस तपास करत असताना पोलिसांना तपासा दरम्यान प्रदीप कच्छवे यांनी सदरील तरुणीवर अत्याचार केले असल्याचे देखील समजले.

त्यानंतर पोलिसांनी या प्रकरणी आरोपी प्रदीप कच्छवे याच्यावर अत्याचाराचा गुन्हा देखील दाखल केला आहे. सदरील प्रकरणाच्या पुढील तपास पोलीस करत आहेत. दरम्यान मागील काही दिवसापासून राज्यांमध्ये महिलांच्या सुरक्षेचा प्रश्न ऐरणीवर आला आहे. दिवसेंदिवस महिलांच्या विनयभंगाच्या आणि अत्याचाराच्या प्रकरणांमध्ये वाढ होत आहे. या सर्व प्रकरणांना आळा घालण्यासाठी पोलीस प्रशासनाने आणि राज्य शासनाने योग्य ती पावली उचलावी, अशी मागणी आता सर्वसामान्य नागरिकांमधून केली जात आहे.