जळगाव : पाचोरा येथून कीर्तनाचा कार्यक्रम आटोपून दुचाकीने धरणगाव तालुक्यातील बांभोरी येथे बहिणीकडे जाण्यासाठी निघालेले कीर्तनकार यांच्या दुचाकीला अज्ञात वाहनाने धडक दिल्याने ट्रक खाली येऊन त्यांचा मृत्यू झाला. शनिवार, २३ डिसेंबर रोजी रात्री ११.५५ वाजता शिरसोली ते जळगावदरम्यान कृष्णा लॉन्सजवळ हा अपघात झाला. ह.भ.प कैलास प्रकाश कोळी (२२, रा.खर्डी ता. चोपडा) असं मयत कीर्तनकाराचं नाव आहे.
चोपडा तालुक्यातील खर्डी येथील रहिवासी असलेले ह.भ.प कैलास कोळी हे कीर्तनकार होते. शनिवार, २३ डिसेंबर रोजी पाचोरा येथे त्यांचा कीर्तनाचा कार्यक्रम आयोजित केला होता. रात्री कीर्तन संपल्यानंतर ते दुचाकीने बांभोरी येथे बहिणीकडे जात होते. त्यावेळी जळगावकडे येत असताना जळगाव शहरातील कृष्णा लॉन्ससमोर वाहनाने त्यांच्या दुचाकीला धडक दिली. यात दुचाकीस्वार कीर्तनकार कैलास कोळी गॅस सिलेंडर घेऊन जाणाऱ्या ट्रकखाली जाऊन चाकाखाली अडकले. या अपघातानंतर धडक देणारे वाहन आणि ट्रक चालकही दोघेही घटनास्थळावरून पसार झाले होते.
चोपडा तालुक्यातील खर्डी येथील रहिवासी असलेले ह.भ.प कैलास कोळी हे कीर्तनकार होते. शनिवार, २३ डिसेंबर रोजी पाचोरा येथे त्यांचा कीर्तनाचा कार्यक्रम आयोजित केला होता. रात्री कीर्तन संपल्यानंतर ते दुचाकीने बांभोरी येथे बहिणीकडे जात होते. त्यावेळी जळगावकडे येत असताना जळगाव शहरातील कृष्णा लॉन्ससमोर वाहनाने त्यांच्या दुचाकीला धडक दिली. यात दुचाकीस्वार कीर्तनकार कैलास कोळी गॅस सिलेंडर घेऊन जाणाऱ्या ट्रकखाली जाऊन चाकाखाली अडकले. या अपघातानंतर धडक देणारे वाहन आणि ट्रक चालकही दोघेही घटनास्थळावरून पसार झाले होते.
अपघाताच्या ठिकाणी ट्रकखाली अडकून पडलेल्या अपघातग्रस्त कीर्तनकार यांना बाहेर काढण्यासाठी २५० ते ३०० नागरिकांनी थांबून शर्थीचे प्रयत्न केले. यात सर्वांनी मिळून ट्रक मागे लोटण्याचा प्रयत्न केला. मात्र, तो लॉक झाल्याने जागेवरुन हलत नव्हता. त्यावेळी जळगाव शहरातील माजी नगरसेवक जितेंद्र मराठे यांनी ट्रॅक्टर मागवलं. ट्रक ओढण्याचा प्रयत्न केला. तरीही ट्रक हलत नसल्याने त्याला जॅक लावला व कोळी यांना बाहेर काढले. त्यांना शासकीय वैद्यकीय महाविद्यालय व रुग्णालयात नेले असता डॉक्टरांनी मयत घोषित केले.
मयत कीर्तनकार कैलास कोळी यांच्या पश्चात आई-वडील, भाऊ, दोन विवाहित बहीणी असा परिवार आहे. कैलास कोळी यांचा पाचोरा येथील कीर्तनाचा शेवटचा कार्यक्रम ठरला. तर दुसरीकडे घरी भावाच्या प्रतीक्षेत असलेल्या बहिणीला थेट भावाच्या मृत्यूची बातमी मिळाल्याने तिने मन हेलावणारा आक्रोश केला. कीर्तनकारावर अपघाताच्या रूपाने काळाने झडप घातल्याच्या घटनेनं सर्वत्र हळहळ व्यक्त होत आहे.
सोसायटीतील फ्लॅटमध्ये दहशतवादी, पोलिसांना फोन, इमारतीखाली मोठा फौजफाटा अन् मग…