यावर डॉक्टरांनी शिक्कामोर्तब करताच माधुरी या न डगमगता वैद्यकीय परीक्षणासह शस्त्रक्रियेपर्यंतच्या सर्व कठीण परीक्षांना हसत हसत सामोरे गेल्या. माधुरी यांनी आपल्या यकृताचा ६५ टक्के भाग देत भाऊ बहीणीचे हे नाते एकमेकांच्या काळजाचा तुकडा असल्याचे दाखवून दिले. २ डिसेंबर रोजी ही शस्त्रक्रिया यशस्वीपणे पार पडली असून दोघांचीही प्रकृती स्थिर असल्याचे डॉक्टरांनी सांगितले. माधुरी काळे कल्याण डोंबिवली महानगरपालिकेच्या माजी नगरसेवक आहेत. त्याचप्रमाणे ते कल्याण पूर्व येथील सम्राट अशोक विद्यालयात शिक्षिका देखील आहेत. सामाजिक, राजकीय आणि कौटुंबिक नात्यांना तितक्याच खंबीरपणे सांभाळणाऱ्या माधुरी यांचे सर्वत्र कौतुक होत आहे.