आमदार अमोल मिटकरी यांच्याकडून सातत्याने अजित पवार यांचा विमान अपघातात झालेल्या मृत्यूच्या विषयावर चर्चा करण्याची मागणी होत आहे. मात्र, विधान परिषदेसोबतच विधानसभेतही याबद्दल फार चर्चा झालेली नाही. आमदार मिटकरी यांनी माध्यमांशी बोलताना याबद्दल अनेकदा खंत व्यक्त केली. त्यानंतर आता त्यांनी त्यांच्या एक्स (X) अकाउंटवर एक भावूक पोस्ट केली आहे.
Pune Crime : जुन्या वादाचा राग, चहा पिताना अचानक आले; ‘तू मला शिवी का दिली?’ विचारत पुण्यात तरुणावर जीवघेणा हल्ला

‘दादा, आम्हाला माफ करा’

‘आदरणीय दादा आम्हाला माफ करा…आता आवाज काढावा इतका पण आवाज शिल्लक नाही. लोकांच्या प्रपंचाला व सामान्य अतिसामान्य माणसाला न्याय देणारे तुम्ही, दुर्दैवाने तुम्हालाच न्याय नाही. आज इतर कुणासोबत अशी दुर्घटना घडली असती व तुम्ही आज असता तर सगळे सुतासारखे सरळ केले असते व चर्चा लावली असती. मात्र, ह्यामागील अदृश्य शक्ती ओळखता येत नाहीये. दादा खरच मोठ्या मनाने माफ करा…आम्ही कपाळ करंटे…’

अमोल मिटकरी काय म्हणाले?

आमदार अमोल मिटकरींनी गंभीर मुद्दा उपस्थित केला आहे. ते म्हणाले की, ‘दिवंगत उपमुख्यमंत्री अजित पवार यांच्या विमान अपघाताच्या दुर्घटनेची चर्चा तिसऱ्या आठवड्यात पण नाही, दुर्दैवाने एकही ठोस चर्चा नाही. अदृश्य शक्ती चर्चा लाऊ देत नाही, अशी शंका उपस्थित करावी का? की सरकार झोपेत आहे?’, असा संतप्त सवाल करत त्यांनी सरकार जागे व्हा, सत्य बाहेर आणा आणि जबाबदारी निश्चित करा’, अशी मागणी केली आहे.
Solapur Crime : दुपार झाली तरी दार बंद, शेजाऱ्यांनी दरवाजा तोडला तर दाम्पत्याची बॉडी आढळली; PM रिपोर्टमध्ये मोठी माहिती