सातारा : रविवारी सकाळी काही तासांपूर्वीच भेटून गेलेली नात दिशाचा संगमनगर येथे ट्रकच्या खाली चिरडून मृत्यू झाल्याची बातमी समजली. त्यामुळे तिच्या चुलत आजोबांना हा धक्का सहन झाला नाही. ते अस्वस्थ झाले आणि सायंकाळी दिशाच्या अंत्यसंस्कारावेळीच त्यांना हृदयविकाराचा धक्का आला. या दुःखद क्षणी नातेवाईकांची अचानक घडलेल्या घटनेमुळे धावपळ उडाली. त्यांना उपचारासाठी धावपळ सुरू झाली, मात्र त्यांचा जागीच मृत्यू झाला. दत्तात्रय मारुती शिंदे (वय ५०, रा. सोनगाव संमत निंब, ता. सातारा) असं त्यांचं नाव आहे. या घटनेमुळे सोनगाव संमत निंब (ता. सातारा) तसेच शिरढोण ( ता. कोरेगाव) या दोन्ही हृदयद्रावक घटनेमुळे गावांवर शोककळा पसरली. दिशा घोरपडे ही दत्तात्रय शिंदे यांच्या सख्ख्या चुलतभावाच्या मुलीची मुलगी होती. ती सोनगाव संमत निंब येथून कॉलेजला जायची.
सातारा – कोरेगाव रस्त्यावर कच्छी स्टील या दुकानासमोर दिशा उदय घोरपडे (मूळ रा. शिरढोण, ता. कोरेगाव, सध्या रा. सातारा) हिची स्कूटी दुभाजकाजवळच घसरून ट्रकच्या चाकाखाली खाली गेली. या भीषण अपघातात दिशाचा जागीच मृत्यू झाला होता. तिचे आजोळ सोनगाव संमत निंब असून तिचे आजोबा व सख्ख्या मामांचे काही वर्षांपूर्वी निधन झाले होते. त्यामुळे सोनगाव येथे दिशाची आजी आणि मामाची मुलगी राहण्यास होते. या दोघींच्या सोबतीसाठी दिशाही सोनगाव येथेच वास्तव्यास होती. ती सातारा येथे अभियांत्रिकी शाखेत शिक्षण घेत होती. तेथूनच ती दररोज कॉलेजला ये -जा करत होती. त्यामुळे चुलत आजोबा दत्तात्रय यांचीही ती लाडकी झाली होती.
रविवारी सकाळी दिशा व तिच्या मामाची मुलगी या दोन स्कूटीवरून साताऱ्याकडे येत असताना दिशाचा अपघात झाला. या घटनेची बातमी मिळाल्याने दत्तात्रय हे अस्वस्थ झाले होते. आपल्या लाडक्या नातीचा असा दुर्दैवी अंत झाल्याने त्यांना धक्का बसला होता. दिशावर शिरढोण येथे सायंकाळी अंत्यसंस्कार पार पडले. त्यावेळी अंत्यसंस्कारास दत्तात्रय हेही उपस्थित होते. यावेळी त्यांना दिशाच्या अंत्यसंस्कारावेळी तीव्र हृदयविकाराचा धक्का आला. त्यात त्यांचा मृत्यू झाला. यावेळी त्यांना उपचारासाठी दवाखान्यात नेण्याची नातेवाईक व उपस्थितांची धावपळ सुरू झाली. मात्र, तेथेच त्यांचा मृत्यू झाला.
पोहता येत नसल्याने दोन सख्ख्या भावांचा बुडून अंत, लेकरांना पाहताच माऊलीचा टाहो; अख्खं गाव हळहळलं
ऐन दुःखद प्रसंगीच ही घटना घडल्यामुळे उपस्थितांनी हळहळ व्यक्त केली. या दोन्ही घटना पाच ते सहा तासाच्या अंतराने घटना घडल्याने दोन्ही कुटुंबांवर दुःखाचा डोंगर कोसळला. या दुःखद प्रसंगांनी दोन्ही गावांवर शोककळा पसरली होती. दिशाच्या मृत्यूप्रकरणी ट्रक चालक प्रशांत चांगदेव निंबाळकर (वय ४३, रा. चिंचणी, पो. डिस्कळ, ता. खटाव) याच्यावर शहर पोलीस ठाण्यात गुन्हा दाखल करण्यात आला आहे. याबाबत दिशाचे काका प्रमोद घोरपडे यांनी फिर्याद दिली आहे. हवालदार कारळे तपास करत आहेत.
साताऱ्यात नगररचनाकार आणि वैद्यकीय प्रतिनिधीचं टोकाचं पाऊल, एकाच दिवशी दोन घटना शहरात खळबळ
सातारा – कोरेगाव रस्त्यावर कच्छी स्टील या दुकानासमोर दिशा उदय घोरपडे (मूळ रा. शिरढोण, ता. कोरेगाव, सध्या रा. सातारा) हिची स्कूटी दुभाजकाजवळच घसरून ट्रकच्या चाकाखाली खाली गेली. या भीषण अपघातात दिशाचा जागीच मृत्यू झाला होता. तिचे आजोळ सोनगाव संमत निंब असून तिचे आजोबा व सख्ख्या मामांचे काही वर्षांपूर्वी निधन झाले होते. त्यामुळे सोनगाव येथे दिशाची आजी आणि मामाची मुलगी राहण्यास होते. या दोघींच्या सोबतीसाठी दिशाही सोनगाव येथेच वास्तव्यास होती. ती सातारा येथे अभियांत्रिकी शाखेत शिक्षण घेत होती. तेथूनच ती दररोज कॉलेजला ये -जा करत होती. त्यामुळे चुलत आजोबा दत्तात्रय यांचीही ती लाडकी झाली होती.
रविवारी सकाळी दिशा व तिच्या मामाची मुलगी या दोन स्कूटीवरून साताऱ्याकडे येत असताना दिशाचा अपघात झाला. या घटनेची बातमी मिळाल्याने दत्तात्रय हे अस्वस्थ झाले होते. आपल्या लाडक्या नातीचा असा दुर्दैवी अंत झाल्याने त्यांना धक्का बसला होता. दिशावर शिरढोण येथे सायंकाळी अंत्यसंस्कार पार पडले. त्यावेळी अंत्यसंस्कारास दत्तात्रय हेही उपस्थित होते. यावेळी त्यांना दिशाच्या अंत्यसंस्कारावेळी तीव्र हृदयविकाराचा धक्का आला. त्यात त्यांचा मृत्यू झाला. यावेळी त्यांना उपचारासाठी दवाखान्यात नेण्याची नातेवाईक व उपस्थितांची धावपळ सुरू झाली. मात्र, तेथेच त्यांचा मृत्यू झाला.
पोहता येत नसल्याने दोन सख्ख्या भावांचा बुडून अंत, लेकरांना पाहताच माऊलीचा टाहो; अख्खं गाव हळहळलंऐन दुःखद प्रसंगीच ही घटना घडल्यामुळे उपस्थितांनी हळहळ व्यक्त केली. या दोन्ही घटना पाच ते सहा तासाच्या अंतराने घटना घडल्याने दोन्ही कुटुंबांवर दुःखाचा डोंगर कोसळला. या दुःखद प्रसंगांनी दोन्ही गावांवर शोककळा पसरली होती. दिशाच्या मृत्यूप्रकरणी ट्रक चालक प्रशांत चांगदेव निंबाळकर (वय ४३, रा. चिंचणी, पो. डिस्कळ, ता. खटाव) याच्यावर शहर पोलीस ठाण्यात गुन्हा दाखल करण्यात आला आहे. याबाबत दिशाचे काका प्रमोद घोरपडे यांनी फिर्याद दिली आहे. हवालदार कारळे तपास करत आहेत.
साताऱ्यात नगररचनाकार आणि वैद्यकीय प्रतिनिधीचं टोकाचं पाऊल, एकाच दिवशी दोन घटना शहरात खळबळRead Latest Maharashtra News And Marathi News