छत्रपती संभाजीनगर: गावातील महिलेसोबत असलेल्या अनैतिक संबंधास पत्नी विरोध करते म्हणून पतीने २८ वर्षीय महिलेला बेदम मारहाण केली. बेदम मारहाणीत जखमी झालेल्या महिलेवर घाटीत उपचार सुरू होते. मात्र उपचारादरम्यान महिलेचा मृत्यू झाल्याचं कळताच नातेवाईकांनी गोंधळ घालत तिच्या पतीला बेदम चोप दिला. ही घटना रांजणगाव शेंनपुंजी येथे घडली. याप्रकरणी मयत महिलेच्या भावाने दिलेल्या तक्रारीवरून महिलेच्या पती विरुद्ध गुन्हा दाखल करण्यात आला आहे.
या प्रकरणी अधिक माहिती अशी की,प्रियंका संदीप राऊत (वय २८ रा. बुलढाणा) असे मृत महिलेचे नाव आहे. मयत प्रियंका व आरोपी संदीप यांचा विवाह चार वर्षापूर्वी झाला होता. राऊत दाम्पत्य मागील दोन वर्षापासून वाळुज येथील औद्योगिक वसाहतीमध्ये काम करत असल्याने ते रांजणगाव भागात भाड्याच्या घरात वास्तव्यास होते. दरम्यान संदीपचे गावातील एका महिलेशी अनैतिक संबंध होते. याची कुणकुण पत्नी प्रियांकाला लागली. तिने पतीला समजावून सांगण्याचा प्रयत्न केला. मात्र संदीप काही ऐकण्याच्या मनस्थितीत नव्हता यावरून त्यांचे अनेक वेळा खटके उडाले.
या प्रकरणी अधिक माहिती अशी की,प्रियंका संदीप राऊत (वय २८ रा. बुलढाणा) असे मृत महिलेचे नाव आहे. मयत प्रियंका व आरोपी संदीप यांचा विवाह चार वर्षापूर्वी झाला होता. राऊत दाम्पत्य मागील दोन वर्षापासून वाळुज येथील औद्योगिक वसाहतीमध्ये काम करत असल्याने ते रांजणगाव भागात भाड्याच्या घरात वास्तव्यास होते. दरम्यान संदीपचे गावातील एका महिलेशी अनैतिक संबंध होते. याची कुणकुण पत्नी प्रियांकाला लागली. तिने पतीला समजावून सांगण्याचा प्रयत्न केला. मात्र संदीप काही ऐकण्याच्या मनस्थितीत नव्हता यावरून त्यांचे अनेक वेळा खटके उडाले.
मी त्या महिलेसोबत राहणार असून तुला मी सोडून देणार आहे असं म्हणत त्याने प्रियंकाला बेदम मारहाण केली. सासूला फोन करत मुलीली घेऊन जा असं सांगितलं. त्यानंतर प्रियंकाने भावाला फोन करून सांगितलं की मी मध्यवर्ती बस स्थानकामध्ये आली आहे मला माझ्या पतीने मारहाण केली आहे मला घ्यायला ये. संदीपने प्रियंकाला छातीत व पोटात बेदम मारहाण केल्याने प्रियंकाला त्रास होऊ लागला. त्यामुळे प्रियंकाचा भाऊ तिला घेऊन पोलीस ठाण्यात गेला दरम्यान तिथे तिला त्रास होऊ लागल्याने दवाखान्यात दाखल केले असता डॉक्टरांनी तिला तपासून मृत घोषित केलं.
प्रियंकाचा मृत्यू झाल्याची माहिती मिळतच नातेवाईकांनी घाटी रुग्णालयात गर्दी केली. यावेळी पती देखील त्या ठिकाणी आला. संतप्त नातेवाईकांनी पतीला घाटी रुग्णालय बेदम चोप दिला. यावेळी पोलिसांच्या मध्यस्थीने त्याला वाचवण्यात आलं. दरम्यान, या प्रकरणी मयूर प्रियंकाच्या भावाने दिलेल्या तक्रारीवरून संदीप विरुद्ध वाळूज पोलीस ठाण्यामध्ये खुनाचा गुन्हा दाखल करण्यात आला आहे.
Read Latest Maharashtra News And Marathi News