पिंपरी-चिंचवड पोलिस आयुक्तालयांतर्गत २०२२ पर्यंत ६३ टोळ्यांवर ‘मकोका’अंतर्गत कारवाई करण्यात आली होती. आयुक्त चौबे यांनी अशा टोळ्यांना दणका देऊन कारवाईचा धडाका लावला. पोलिस ठाणेनिहाय सराईत गुन्हेगारांची यादी तयार करण्यात आली. त्यामध्ये विशेषतः मावळातील गुन्हेगारी टोळ्यांचा समावेश आहे.

मावळात काही वर्षांपूर्वी खून आणि खुनाच्या प्रयत्नांच्या घटनांनी डोके वर काढले होते. त्यामुळे पोलिसांनी या भागातील आठ गुन्हेगारी टोळ्यांना ‘मकोका’ लावून ७३ गुन्हेगारांवर कारवाई केली. त्यामुळे मावळ तालुक्यातील गुन्हेगारीचे कंबरडे मोडण्यात पोलिसांना यश आले.

सराईतांवर करडी नजर

जामिनावर बाहेर आलेले सराईत गुन्हेगार पुन्हा गुन्हेगारी कृत्यांकडे वळतात. त्याला आळा घालण्यासाठी पोलिसांनी त्यांच्यावप नजर ठेवण्यास सुरुवात केली. त्यांचे सोशल मीडिया अकाउंट, डीपी, प्रोफाइल, कमेंट यावरही पोलिसांनी बारीक नजर ठेवली आहे. त्यामुळे सोशल मीडियातून दहशत पसरविणाऱ्यांवरही कारवाई होत आहे.
अब तक छत्तीस! ५ वर्षांनंतर नाशिकमध्ये सर्वाधिक हत्या, क्षणिक वादातून बहुतांश घटना, कधी थांबणार सगळं?
संघटित गुन्हेगारी रोखण्यावर आमचा भर आहे. त्यामुळे कायदा व सुव्यवस्था राखण्यास मदत होत आहे. यापुढेही अशा गुन्हेगारी टोळ्यांवर ‘मकोका’ची कारवाई सुरूच राहणार आहे.- विनयकुमार चौबे, पोलिस आयुक्त, पिंपरी-चिंचवड

पिंपरी-चिंचवड पोलिसांची ‘मकोका’ कारवाई
वर्ष टोळ्यांची धरपकड गुन्हेगारांची धरपकड
२०१८ १ ७
२०१९ ९ ५९
२०२० ९ ५०
२०२१ २६ १८७
२०२२ १८ १२९
२०२३ ३९ २९३

मावळातील यंदाची ‘मकोका’ कारवाई
पोलिस ठाणे टोळ्यांची धरपकड गुन्हेगारांची धरपकड

तळेगाव ४ ४८
शिरगाव २ १३
देहूरोड १ ५
तळेगाव १ ७