अहमदनगर: गणेश सहकारी साखर कारखान्याच्या निवडणुकीच्या पराभवाचा वचपा काढण्यासाठी महसूलमंत्री राधाकृष्ण विखे पाटील थोरात आणि कोल्हे यांच्या विरोधात काय भूमिका घेतात? याची सर्वत्र चर्चा होती. त्यानंतर विखे पाटलांनी थोरातांच्या संगमनेर मतदारसंघात आपली ताकद वाढवण्यास सुरुवात केली असून आता त्यांनी पुढील टार्गेट कोपरगावचे विवेक कोल्हे केल्याचे बोलले जात असून विविध विकासकामांच्या भूमीपूजनाच्या निमित्ताने कोपरगावात विखेंसह कोल्हे विरोधकांची वज्रमूठ दिसून येण्याची शक्यता आहे.
अहमदनगर जिल्ह्यातील राहाता तालुक्यात विखे पाटलांच्या ताब्यात असलेल्या गणेश सहकारी साखर कारखान्याच्या निवडणुकीत काँग्रेसनेते बाळासाहेब थोरात आणि माजी मंत्री स्व.शंकरराव कोल्हेंचे नातू भाजपचे विवेक कोल्हे यांनी एकत्र येत विखेंना धोबीपछाड देत गणेश कारखाना ताब्यात घेतला. त्यानंतर नुकत्याच झालेल्या ग्रामपंचायत निवडणुकीत कोल्हेंनी विखे पाटलांना धक्का देत राहाता तालुक्यातील तीन महत्वाच्या ग्रामपंचायत ताब्यात घेतल्याने विखे पाटलांच्या वर्चस्वाला धक्का बसल्याचे मानले जात आहे. आता विखे पाटलांनी पहिले बाळासाहेब थोरातांच्या संगमनेर मतदारसंघात एन्ट्री करून आपली ताकद वाढवण्यास सुरुवात केली. तयांनंतर विखेंचं पुढील टार्गेट विवेक कोल्हे असल्याचे बोलले जात होते. त्यातच आता विखेंचा कोपरगाव दौरा समोर आल्याने कोपरगावात विविध विकासकामांच्या भूमिपूजन आणि शिर्डी कोपरगावात एमआयडीसी मंजूर झाल्याने विखे आणि काळे यांच्या सत्काराच्या कार्यक्रमाप्रसंगी सर्व कोल्हे विरोधक एकत्र दिसण्याची शक्यता आहे.
काळेंच्या बॅनरवर विखेंसह शरद पवारांचा फोटो
अहमदनगर जिल्ह्यातील राहाता तालुक्यात विखे पाटलांच्या ताब्यात असलेल्या गणेश सहकारी साखर कारखान्याच्या निवडणुकीत काँग्रेसनेते बाळासाहेब थोरात आणि माजी मंत्री स्व.शंकरराव कोल्हेंचे नातू भाजपचे विवेक कोल्हे यांनी एकत्र येत विखेंना धोबीपछाड देत गणेश कारखाना ताब्यात घेतला. त्यानंतर नुकत्याच झालेल्या ग्रामपंचायत निवडणुकीत कोल्हेंनी विखे पाटलांना धक्का देत राहाता तालुक्यातील तीन महत्वाच्या ग्रामपंचायत ताब्यात घेतल्याने विखे पाटलांच्या वर्चस्वाला धक्का बसल्याचे मानले जात आहे. आता विखे पाटलांनी पहिले बाळासाहेब थोरातांच्या संगमनेर मतदारसंघात एन्ट्री करून आपली ताकद वाढवण्यास सुरुवात केली. तयांनंतर विखेंचं पुढील टार्गेट विवेक कोल्हे असल्याचे बोलले जात होते. त्यातच आता विखेंचा कोपरगाव दौरा समोर आल्याने कोपरगावात विविध विकासकामांच्या भूमिपूजन आणि शिर्डी कोपरगावात एमआयडीसी मंजूर झाल्याने विखे आणि काळे यांच्या सत्काराच्या कार्यक्रमाप्रसंगी सर्व कोल्हे विरोधक एकत्र दिसण्याची शक्यता आहे.
कोपरगावात काळे आणि कोल्हे एकमेकांचे कट्टर राजकीय विरोधक मानले जातात. गणेश कारखान्याच्या निवडणुकीत कोल्हे विखेंच्या विरोधात गेल्याने अजितदादा गटातील आमदार काळेंनी संधी साधत विखे पाटलांशी अधिकची जवळीक साधली त्यानंतर माजी नगराध्यक्ष भाजपचे विजय वहाडणे यांनी देखील कोपरगावात एका कार्यक्रमात विखेंना आमंत्रित करून कोल्हेंना धक्का दिला. विखे पाटलांचे मेव्हूणे माजी जि प सदस्य राजेश परजने आणि शिवसेनेचे राजेंद्र झावरे हे देखील सध्या कोल्हे विरोधक असल्याने मंगळवारी कोपरगावात होणाऱ्या कार्यक्रमात सर्व कोल्हे विरोधकांची वज्रमूठ दिसून येण्याची शक्यता नाकारता येत नाही.
निलेश लंके यांच्या मनात नेमकं काय? पवारांबद्दल बोलून दाखवली मनातली गोष्ट
काळेंच्या बॅनरवर विखेंसह शरद पवारांचा फोटो
राष्ट्रवादी काँग्रेस पक्षात उभी फूट पडल्यानंतर अनेक आमदार शरद पवारांची साथ सोडून अजितदादा गटात जाउन सत्तेत सहभागी झाले.त्यावेळी शरद पवार गटातील नेत्यांनी शरद पवारांचा फोटो अजितदादा गटातील आमदारांनी बॅनरवर वापरल्यास कारवाई करू असे सांगितले होते त्यानंतर आता अजितदादा गटातील आमदार आशुतोष काळे यांनी विकास कामांच्या बॅनरवर थेट कट्टर विरोधक असलेले राधकृष्ण विखे पाटलांचा आणि शरद पवारांचा फोटो सोबतच छापल्याने हा चर्चेचा विषय ठरत आहे.