म.टा. विशेष प्रतिनिधी, नागपूर : शासकीय वैद्यकीय महाविद्यालय व रुग्णालयाचा (मेडिकल) अमृतमहोत्सवी सोहळा आज, शुक्रवारी राष्ट्रपती द्रौपदी मुर्मू यांच्या प्रमुख उपस्थितीत होणार आहे. राष्ट्रपतींच्या आगमनासाठी प्रशासकीय पातळीवर चोख व्यवस्था करण्यात आली आहे.
मेडिकल परिसरात उभारण्यात आलेल्या भव्य सभामंडपात दुपारी ४ वाजता होणाऱ्या होणाऱ्या या सोहळ्याच्या अध्यक्षस्थानी राज्यपाल रमेश बैस राहतील. मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, वैद्यकीय शिक्षणमंत्री हसन मुश्रीफ प्रमुख अतिथी म्हणून उपस्थित राहतील. मेडिकलच्या इतिहासातील मैलाचा दगड ठरणाऱ्या या सोहळ्याला महाविद्यालयातून उत्तीर्ण झालेले आणि आज विविध क्षेत्रांत नावलौकिक कमविलेले तीन हजार माजी विद्यार्थी नागपुरात येत आहेत. मेडिकलमधून १९६१मध्ये उत्तीर्ण डॉ. शकुंतला गोखले यांच्या देणगीतून नूतनीकरण झालेल्या सभागृहाचे डिजिटली उद्घाटन करण्यात येईल. त्याशिवाय पोस्टल स्टॅम्प, कव्हर पेज, विशेषांक आणि कॉफी टेबल बुकचे प्रकाशन होईल. मेडिकलमध्ये विद्यार्थ्यांची पहिली बॅच १९४७मध्ये सुरू झाली. या बॅचचे विद्यार्थी असलेले डॉ. बी. जी. सुभेदार आज ९४वर्षीय असून अगदी ठणठणीत आहेत. या सोहळ्यादरम्यान त्यांचा सत्कार करण्यात येईल. मेडिकल कॉलेजची जागा नागपूर सुधार प्रन्यासचे तत्कालीन अध्यक्ष लेफ्टनंट कर्नल के. व्ही. कुकडे यांनी दिली होती. त्यानिमित्त के. व्ही. कुकडे यांचे नातू अॅड. दिनकर कुकडे, डॉ. शकुंतला गोखले यांचे कुटुंबीय आणि डॉ. प्रमोद गिरी यांचादेखील सत्कार करण्यात येईल.
मेडिकल परिसरात उभारण्यात आलेल्या भव्य सभामंडपात दुपारी ४ वाजता होणाऱ्या होणाऱ्या या सोहळ्याच्या अध्यक्षस्थानी राज्यपाल रमेश बैस राहतील. मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, वैद्यकीय शिक्षणमंत्री हसन मुश्रीफ प्रमुख अतिथी म्हणून उपस्थित राहतील. मेडिकलच्या इतिहासातील मैलाचा दगड ठरणाऱ्या या सोहळ्याला महाविद्यालयातून उत्तीर्ण झालेले आणि आज विविध क्षेत्रांत नावलौकिक कमविलेले तीन हजार माजी विद्यार्थी नागपुरात येत आहेत. मेडिकलमधून १९६१मध्ये उत्तीर्ण डॉ. शकुंतला गोखले यांच्या देणगीतून नूतनीकरण झालेल्या सभागृहाचे डिजिटली उद्घाटन करण्यात येईल. त्याशिवाय पोस्टल स्टॅम्प, कव्हर पेज, विशेषांक आणि कॉफी टेबल बुकचे प्रकाशन होईल. मेडिकलमध्ये विद्यार्थ्यांची पहिली बॅच १९४७मध्ये सुरू झाली. या बॅचचे विद्यार्थी असलेले डॉ. बी. जी. सुभेदार आज ९४वर्षीय असून अगदी ठणठणीत आहेत. या सोहळ्यादरम्यान त्यांचा सत्कार करण्यात येईल. मेडिकल कॉलेजची जागा नागपूर सुधार प्रन्यासचे तत्कालीन अध्यक्ष लेफ्टनंट कर्नल के. व्ही. कुकडे यांनी दिली होती. त्यानिमित्त के. व्ही. कुकडे यांचे नातू अॅड. दिनकर कुकडे, डॉ. शकुंतला गोखले यांचे कुटुंबीय आणि डॉ. प्रमोद गिरी यांचादेखील सत्कार करण्यात येईल.
या मार्गांवर पार्किंग नाही
राष्ट्रपतींच्या दोनदिवसीय दौऱ्यानिमित्त १ ते २ डिसेंबरला सकाळी १० ते रात्री १० वाजतापर्यंत चार मार्गांवर नो पार्किंग झोन राहणार आहे. यात रहाटे कॉलनी ते धंतोली पोलिस ठाणे, धंतोली पोलिस ठाणे ते भोला गणेश चौक; बैद्यनाथ चौक ते मेडिकल कॉलेज हॉस्पिटल, मेडिकल ते रेल्वे मेन्स हायस्कूल टी-पॉइंट कांबळे चौक, कांबळे चौक ते जगन्नाथ मंदिर, मंदिर ते सुपर स्पेशालिटी हॉस्पिटल, तुकडोजी पुतळा, तसेच मेडिकल चौकाकडे जाणारी जड वाहने या कालावधीत आउटर रिंगरोडने जातील, अशी माहिती वाहतूक पोलिसांनी दिली. याचप्रमाणे वर्धा मार्गाने शहरात येणारी जड वाहतूकही बंद करण्यात आली आहे. ही वाहने टाकळघाट टी पॉइंट येथून सर्व्हिस रोडने (डावे वळण घेऊन) एमआयडीसी, एसीसी चौक (डावे वळण घेऊन) एमआयडीसी गणेशपूर पाण्याची टाकी त्यानंतर उजवे वळण घेऊन सीएट कंपनी टी पॉइंट, डावे वळण घेऊन सालई ढाबा फाटामार्गे वळविण्यात आली आहे. ही बंदी शुक्रवारी सकाळी ७ ते सायंकाळी ६ वाजतादरम्यान राहील, अशी माहिती ग्रामीण पोलिसांनी दिली.
महापरिनिर्वाण दिनीसाठी मध्य रेल्वेचं खास नियोजन; ‘या’ मार्गांवर धावणार १४ स्पेशल ट्रेन्स, वाचा वेळापत्रक
असा राहील दौरा
-१ डिसेंबर : दुपारी १२ वाजून १० मिनिटांनी नागपूर विमानतळावर आगमन. १२.१० वाजता : राजभवनसाठी रवाना. सायंकाळी ४ ते ५ वाजेपर्यंत शासकीय वैद्यकीय महाविद्यालय व रुग्णालयाच्या अमृत महोत्सवी सोहळ्याला उपस्थिती. सायंकाळी ५ वाजता राजभवनसाठी रवाना आणि मुक्काम.
-२ डिसेंबर : सकाळी ९.३० ते १० वाजेपर्यंत विविध क्षेत्रांतील मान्यवरांच्या भेटी. सकाळी १०.१० ते ११.३० वाजेपर्यंत सुरेश भट सभागृह येथे आयोजित राष्ट्रसंत तुकडोजी महाराज नागपूर विद्यापीठाच्या १११ दीक्षांत समारंभाला उपस्थिती. ११.५५ वाजता नागपूर विमानतळावरून दिल्लीसाठी रवाना.