भारत गौरव रेल्वेतील ४० प्रवाशांना विषबाधा, पुणे रेल्वे स्थानकावर तातडीचे उपचार
महात्मानगरातील एका कार्यालयात भेट झाल्यावर तेथे हिरेदेखील होते, असा फिर्यादीत उल्लेख आहे. या प्रकरणात फिर्यादीने सन २०१७ मध्ये चेकद्वारे व सन २०१९ मध्ये रोख पैसे दिले. एकूण दहा लाख रुपये देताना इतर संशयितांशीही त्यांचा संबंध आला. १५ नोव्हेंबर २०२२ पर्यंत नोकरी न लागल्याने फिर्यादींनी वारंवार चौकशी केली. संशयितांपैकी एकाने दिलेले दोन चेक आतापर्यंत बाउन्स झाले आहेत. तर पैसे व नोकरी यापैकी काहीच न मिळाल्याने फिर्यादींनी तक्रार अर्ज दाखल केला होता.

महिनाभरात हिरे कुटुंबावर गुन्हे

दरम्यान, नोव्हेंबरच्या सुरुवातीला शिक्षणसेवक नियुक्तीची संगनमताने बनावट कागदपत्रे तयार करुन भरती केल्याप्रकरणी भद्रकाली व नाशिकरोड पोलिसांत मालेगावातील एका शैक्षणिक संस्थेसह प्रशासकीय अधिकाऱ्यांवर गुन्हा दाखल झाला. त्यामध्ये माजी मंत्री प्रशांत हिरे, पत्नी स्मिता हिरे, माजी आमदार अपूर्व हिरे आणि जिल्हा बँकेचे माजी अध्यक्ष अद्वय हिरे यांसह सर्व २५ संशयितांना जामीन मंजूर झाला. त्यानंतर सध्या रेणुकादेवी सूतगिरणी कर्ज थकविल्याप्रकरणी शिवसेना उद्धव ठाकरे गटाचे उपनेते डॉ. अद्वय हिरे हे न्यायालयीन कोठडीत आहेत. त्यातच माजी आमदार अपूर्व हिरे यांच्यासह चौघांवर उपनगर पोलिसांत फसवणुकीचा गुन्हा दाखल झाल्याने राजकीय दावे-प्रतिदावे सुरू आहेत.

उपनगर पोलिसांत नोंदविलेल्या गुन्ह्यातील संशयित व फिर्यादी यांना मी व्यक्तिशः ओळखत नाही. कधीही प्रत्यक्षात भेटलो नाही. प्रकरणाची पूर्ण माहिती घेतल्यावर सविस्तर बोलेन. मला विनाकारण अडकवण्याचा प्रयत्न होत आहे. माझी बदनामी करून खोटे गुन्हे नोंदवून राजकीय हेतू साधण्याचे कारस्थान सुरू आहे – डॉ. अपूर्व हिरे, समन्वयक, महात्मा गांधी विद्यामंदिर

मृत्यूच्या दाढेतून पहिला ‘विजय’ खेचून आणला, एकामागून एक ४१ मजूर बाहेर, ७.२८ ला उत्तरकाशी बोगद्यात काय काय घडलं?
Read Latest Maharashtra News And Marathi News