मुंबई : प्रकाश आंबेडकर यांनी मुंबईतील संविधान सन्मान महासभेला संबोधित करताना देशाला स्वातंत्र्य मिळून ७० वर्ष ओलांडली आहेत, ही ७० वर्ष ओलांडल्यानंतर पुन्हा चर्चा सुरु झाली आहे की या देशाचं संविधान बदललं पाहिजे की न बदललं पाहिजे या दृष्टीनं ती चर्चा आहे. फेब्रुवारी आणि मार्चमध्ये लोकसभेच्या निवडणुका होतील. या निवडणुकांच्या अगोदर या मुद्द्यांची चर्चा झाली पाहिजे, असा आमचा आग्रह असल्याचं प्रकाश आंबेडकर म्हणाले.
काँग्रेसचे अध्यक्ष नाना पटोले येऊन गेले, माझा त्यांना आग्रह आहे की वंचितनं या संदर्भानं चर्चा सुरु केली आहे. काँग्रेसनं दुसऱ्या राज्यांमध्ये संविधानाची चर्चा सुरु करावी, जनसभा घ्यावी आणि त्यातून आम्ही सर्व जण जे बदलणारे आहेत त्यांना बदलत का आहात हा प्रश्न विचारत आहे, असं प्रकाश आंबेडकर म्हणाले. संविधान बदलण्याची भाषा केली जात असताना नवीन काय येणार याची चर्चाच नाही, असं प्रकाश आंबेडकर म्हणाले. संविधान जुनं झालंय सांगून बदलाच्या चर्चा सुरु आहेत, असं प्रकाश आंबेडकर म्हणाले. संविधान ही एक व्यवस्था आहे, राज्य चालण्याची व्यवस्था आहे, ही व्यवस्था जिच्या वर लोकांचा विश्वास आहे, आज तिला तुम्ही बदलाय सांगता पण नवी व्यवस्था काय येणार हे तुम्ही सांगा, असा सवाल प्रकाश आंबेडकर यांनी केला.
काँग्रेसचे अध्यक्ष नाना पटोले येऊन गेले, माझा त्यांना आग्रह आहे की वंचितनं या संदर्भानं चर्चा सुरु केली आहे. काँग्रेसनं दुसऱ्या राज्यांमध्ये संविधानाची चर्चा सुरु करावी, जनसभा घ्यावी आणि त्यातून आम्ही सर्व जण जे बदलणारे आहेत त्यांना बदलत का आहात हा प्रश्न विचारत आहे, असं प्रकाश आंबेडकर म्हणाले. संविधान बदलण्याची भाषा केली जात असताना नवीन काय येणार याची चर्चाच नाही, असं प्रकाश आंबेडकर म्हणाले. संविधान जुनं झालंय सांगून बदलाच्या चर्चा सुरु आहेत, असं प्रकाश आंबेडकर म्हणाले. संविधान ही एक व्यवस्था आहे, राज्य चालण्याची व्यवस्था आहे, ही व्यवस्था जिच्या वर लोकांचा विश्वास आहे, आज तिला तुम्ही बदलाय सांगता पण नवी व्यवस्था काय येणार हे तुम्ही सांगा, असा सवाल प्रकाश आंबेडकर यांनी केला.
आज जी लोकशाही आहे त्याऐवजी ठोकशाही आणणार आहात का? ती ठोकशाही आणणार असाल ती कशा पद्धतीची असेल त्याचा आराखडा तरी सांगा? असा सवाल प्रकाश आंबेडकर यांनी केला. तुम्ही म्हणत असाल लोकशाही राहणार तर ती संसदीय लोकशाही असेल की अध्यक्षीय लोकशाही असेल त्याचं तरी काही सांगा? संसदीय लोकशाही चालवणार असाल तर सध्याच्या संसदीय लोकशाहीत काय कमी आहे, याची मांडणी करा, असं प्रकाश आंबेडकर म्हणाले.
संविधानाशी ज्यांचा संबंध नाही त्यांनी याची चर्चा सुरु केली आहे. मोहन भागवत यांना मध्यंतरी आव्हान दिलं होतं की या देशाचा राष्ट्रवाद हा सांस्कृतिक राष्ट्रवाद आहे की भौगौलिक राष्ट्रवाद हे सांगा असा सवाल केला होता. सांस्कृतिक राष्ट्रवाद म्हणता त्यावेळी तो भौगोलिक नाही. भौगोलिक राष्ट्रवाद नव्हता तेव्हा ब्रिटीश होते. त्यावेळी काँग्रेस आणि मुस्लिम लीग होती. त्या दोघांचं राजकारण कसं चालायचं, असा सवाल प्रकाश आंबेडकर यांनी केला.
वैदिक परंपरेशी संबंध असलेली लोक या देशाला गुलाम करण्याची भाषा केली जात आहे. आजच्या व्यवस्थेवरती लोकांचा विश्वास आहे. आपली मागणी मांडण्याची संधी आहे त्याला विश्वास आहे. लढा उभा करण्याचा, धर्म पाळण्याचा अधिकार आहे हा लोकांना विश्वास आहे. हा विश्वास जर तुटला तर काय होतंय हे आपल्याला दिसतंय काय होतंय. आरक्षणाच्या नावानं समाजा समाजाला भिडवलं जातंय, एकमेकांच्या विरोधात लढवलं जात आहे. हे थांबवण्याऐवजी खतपाणी घातलं जात आहे. २००४ मध्ये गोध्रा झालं, २०२३ मणिपूर झालं, ३ डिसेंबरनंतर देशातील कुठल्यातरी संघर्ष उभा केला जाईल. भडकवणाऱ्या संघटना बऱ्याच आहेत, भडकवणाऱ्या संघटनेच्या नेत्याला त्यांच्या मुलाला पुढं आणायला सांगा, असं प्रकाश आंबेडकर म्हणाले.
सुरेश रैनाचे ते जादुई शब्द,एक सल्ला ज्यामुळं रिंकू सिंह सुपरस्टार बनला अन् ऑस्ट्रेलियाच्या विजयाचा घास हिरावला
सत्ता जशी जात आहे, तसे कार्यक्रम बदलत आहेत. सगळ्या गोष्टींचा वापर केला जाईल. मी आज सकाळपासून किती ठिकाणी धाडी पडल्या हे बघत होतो. माझ्या माहिती प्रमाणे ७ ठिकाणी धाडी पडल्या, गेल्या ९ वर्षात किती ठिकाणी धाडी पडल्या ते बघा. ज्यांच्या वर धाडी पडल्या त्यांची चौकशी झाली त्यांना कोर्टात उभं केलं नाही त्यांना लटकवत ठेवलेलं आहे. या राजकारणातून देशात भीती निर्माण करायची आहे, तुम्ही आमच्या विरोधात जाणार असाल तर धाडी टाकू, जेलमध्ये जाण्याचा धमक्या देत आहेत, आणि व्यवस्था ताब्यात घेण्याचा प्रयत्न सुरु आहे, असं प्रकाश आंबेडकर यांनी म्हटलं.
ब्रम्हदेव जरी आला तरी…, अजित पवार गटाच्या नेत्याचं मोठं वक्तव्य, शहाजीबापूंचं टेन्शन वाढलं
समाजाला अविकसित ठेवून समाजा समाजात भांडण लावण्याचं काम सुरु आहे. कापूस आणि त्याच्या मधील उत्पादन, सरकारला मिळणारा कर हा दुसऱ्या क्रमांकाचा आहे. हा लढा मोठा आहे. या लढ्याचा रिंग मास्टर नरेंद्र मोदी हे लक्षात घ्या, असं प्रकाश आंबेडकर म्हणाले. भाजप आणि आरएसएसला संविधान बदलायचं आहे पण वंचित बहुजन आघाडी संविधानाच्या बाजूनं राहणार, संविधानाच्या संरक्षणासाठी लढणार, असं प्रकाश आंबेडकर म्हणाले.
Read Latest Maharashtra News And Marathi News