पुणे : जुन्या वादाच्या कारणातून कारची काच फोडल्याचा धक्कादायक प्रकार पुण्यात घडला आहे.जुन्या वादाच्या कारणातून अश्लील शिवीगाळ करत पार्क केलेल्या कारची काच फोडल्याप्रकरणी वकीलासह त्यांच्या वडिलांवर शिवाजीनगर पोलिस ठाण्यात गुन्हा दाखल करण्यात आला आहे. याप्रकरणी वकील अमर हरिदास जाधव आणि वडील हरिदास जाधव यांच्यावर गुन्हा दाखल करण्यात आला आहे.
भादवि कलम 509, 504, 506, 34 तसेच महाराष्ट्र पोलिस अधिनिमन 37 (1), 37 (3) आणि 135 नुसार गुन्हा दाखल करण्यात आला आहे. याबाबत एका ३१ वर्षीय महिलेनी फिर्याद दिली आहे.
भादवि कलम 509, 504, 506, 34 तसेच महाराष्ट्र पोलिस अधिनिमन 37 (1), 37 (3) आणि 135 नुसार गुन्हा दाखल करण्यात आला आहे. याबाबत एका ३१ वर्षीय महिलेनी फिर्याद दिली आहे.
नारळ काढण्यासाठी गेलेल्या ग्रामपंचायत सदस्यासोबत अनर्थ, झाडावरुन पडल्याने करुण अंत, परिसरात हळहळ
पोलिसांनी दिलेल्या माहितीनुसार, फिर्यादी महिला ही शिवाजीनगर गावठाण येथे मागील सहा महिन्यांपासून भाऊ नितीन पवार व पतीसोबत राहण्यास आहे. तसेच त्यांचे केक विक्रीचे दुकान शिवाजीनगर येथील गणपती चौकात आहे. महिलेने त्यांची कार गणपती चौकात पार्क केली होती. सोमवारी सकाळी साडे आठ च्या सुमारास अमर हरिदास जाधव आणि त्याचे वडील आणि आई घरासमोर आले. त्यांनी फिर्यादीला भाऊ कुठे गेला आहे अशी विचारणा करत शिवीगाळ केली. गाडी पार्क केलेल्या ठिकाणी पाहण्यासाठी गेले असता त्यांच्या कारच्या काचा फोडलेल्या व बोनेटवर मारलेले दिसले. याबाबत अमर जाधव याला विचारणा केल्यावर त्याने अश्लील भाषेत शिवीगाळ केल्याचे फिर्यादीत म्हटले आहे. हा कारच्या काचा फोडण्याचा प्रकार सीसीटिव्हीमध्ये कैद झाला आहे.
Read Latest Maharashtra News And Marathi News