धुळे: शहरातील नकाने रोड परिसरात काल रात्री एका २१ वर्षीय तरुणीची चाकूने गळा चिरून निर्घृणपणे हत्या करण्यात आली होती. निकिता कल्याण पाटील असं हत्या झालेल्या २१ वर्षीय तरुणीचे नाव असून राहत्या घरातच अज्ञाताने तिची गळा चिरून हत्या केली होती. धुळे शहरातील बालाजी नगर भागातील विघ्नहर्ता हॉस्पिटलच्या पाठीमागे पाटील कुटुंबीय राहतं. काल रात्री घरी कोणी नसल्याचे पाहून अज्ञात आरोपीने थेट घरात घुसून तरुणीची गळा चिरून हत्या केली होती. घटनेची माहिती मिळताच पोलिस श्वानपथकासह घटनास्थळी दाखल झाले होते.
आज सकाळच्या सुमारास पोलिसांनी दोन पथकं तयार करून आरोपीचा शोध घेण्याचा प्रयत्न करत होते. मात्र, निकिता पाटीलच्या घराच्या काही अंतरावरच काटेरी झुडपांमध्ये एका तरुणाचा देखील मृतदेह आढळून आला आहे. प्रथमदर्शनीय या तरुणाने विष प्राशन करून आत्महत्या केल्याचे समजते. या तरुणाच्या अंगावर देखील रक्ताचे डाग असल्याचे निदर्शनास आले आहे.
आज सकाळच्या सुमारास पोलिसांनी दोन पथकं तयार करून आरोपीचा शोध घेण्याचा प्रयत्न करत होते. मात्र, निकिता पाटीलच्या घराच्या काही अंतरावरच काटेरी झुडपांमध्ये एका तरुणाचा देखील मृतदेह आढळून आला आहे. प्रथमदर्शनीय या तरुणाने विष प्राशन करून आत्महत्या केल्याचे समजते. या तरुणाच्या अंगावर देखील रक्ताचे डाग असल्याचे निदर्शनास आले आहे.
सदर तरुणाविषयी पोलिसांनी अधिक माहिती जाणून घेतली आणि या तरुणाचे नाव अनिकेत बोरसे असून हा तरुण निकिता पाटीलशी संबंधित होता अशी प्राथमिक माहिती पोलिसांनी दिली आहे.
प्रथमदर्शनी याच तरुणाने निकिता पाटील या तरुणीचा खून केला असावा असा अंदाज पोलिस व्यक्त करत आहेत. मात्र, जोपर्यंत सखोल तपास करून सदर घटनेचा तपास लागत नाही, तोपर्यंत अधिक तपास सुरू असणार असल्याची माहिती उपविभागीय पोलिस अधिकारी सचिन हिरे यांनी यावेळी दिली. त्यामुळे सदर तरुणी निकिता पाटील आणि अनिकेत बोरसे यांच्यामध्ये प्रेम संबंध होते आणि त्यातूनच निकिता पाटील हिचा खून आणि मग अनिकेत बोरसे याची आत्महत्या झाली असावी, असा अंदाज देखील या निमित्ताने व्यक्त करण्यात येत आहे.
तरुणी घरात एकटी असल्याची संधी साधली, शस्त्राने वार करुन संपवलं; धुळे हादरलं
Read Latest Maharashtra News And Marathi News