अ. भा. खाद्यतेल असोसिएशनचे अध्यक्ष व अ.भा. व्यापारी महासंघाचे (कॅट) राज्य सचिव शंकर ठक्कर यांनी सांगितले की, ‘देशभरातील विवाहासाठी लागणारी बहुतांश खरेदी ही मुंबईत होते. त्यामार्फत होणारी ४० ते ५० टक्के उलाढाल किरकोळ व ५० ते ६० टक्के उलाढाल घाऊक बाजारात होते. संपूर्ण देशाला विवाहासाठी लागणाऱ्या सोने-चांदीचा पुरवठा मुंबईतूनच होतो. त्याखेरीज कापड खरेदीही मोठ्या प्रमाणात मुंबईतून होते. त्यामुळेच देशभरात होणाऱ्या एकूण ४.७५ लाख कोटी रुपयांच्या उलाढालीपैकी २० टक्के खरेदी-विक्री मुंबईत होण्याची चिन्हे आहेत.’ ठक्कर यांच्यानुसार, यंदाच्या या विवाह मोसमात १ लाख व ५० हजार रुपये खर्चाचे प्रत्येकी ७ लाख विवाह देशात होऊ घातले आहेत. तर ३ लाख रुपये खर्चाचे ७ लाख, ८ लाख रुपये खर्चाचे ६ लाख, १० लाख रुपये खर्चाचे १० लाख, १५ लाख रुपये खर्चाचे ७ लाख व २५ लाख रुपये खर्चाचे ५ लाख विवाह होत आहेत.
तुळशी विवाहानंतर आता ‘लगीनघाई’, यंदा कर्तव्य असणाऱ्यांसाठी शुभ मुहूर्त कोणते? जाणून घ्या तारखा
… अशी होते खरेदी

‘कॅट’च्या निरीक्षणानुसार, लग्न समारंभासाठी सहसा ५० टक्के खर्च हा सामान खरेदी व ५० टक्के सेवांसाठी खर्च होतो. त्यानुसार जंदा कपडे, साड्या व अन्य सामानांवर १० टक्के, दागिने खरेदीवर १५ टक्के, विद्युत उपकरणांवर पाच टक्के, मिठाईवर पाच टक्के, भेटवस्तूंवर पाच टक्के, धान्य-किराणा सामानावर पाच टक्के खर्च होण्याची चिन्हे आहेत. कपडे व दागिन्यांची बहुतांश खरेदी ही मुंबईतच होईल.

खर्चानुसार लग्नसोहळ्यांची अंदाजित संख्या

-किमान पन्नास हजार ते लाख रुपये खर्च – ७ लाख लग्नगाठी बांधल्या जाण्याची शक्यता
– ३ लाख रुपये खर्च- ७ लाख विवाह सोहळ्यांची शक्यता
– ८ लाख रुपये खर्च- ६ लाख विवाह सोहळ्यांचा अंदाज
– १० लाख रुपये खर्च- १० लाख विवाह सोहळ्यांची शक्यता
– १५ लाख रुपये खर्च- ७ लाख विवाहांच्या आयोजनाची शक्यता
-२५ लाख रुपये खर्च- ५ लाख विवाह होण्याची शक्यता