त्यानंतर खाक्या दाखवताच त्याने चोरी केल्याची कबुली दिली. गेल्या दोन वर्षात त्याने आतापर्यंत जळगाव जिल्ह्यात वेगवेगळ्या भागात जाऊन दिवसाढवळ्या चोरीचे २० गुन्हे केल्याची कबुली दिली आहे. त्यानुसार त्याच्याकडून १७३ ग्राम वजनाचे सोन्याचे दागिने, १० लाख रुपये किमतीची स्विफ्ट कार, ९० हजार रुपये किमतीची पल्सर दुचाकी असा एकूण २० लाख २९ हजार रूपये मुद्देमाल हस्तगत करण्यात आला आहे. त्याला न्यायालयात हजर केले असता न्यायालयाने त्याला एक दिवसांची पोलीस कोठडी देण्यात आली आहे, अशी माहिती जिल्हा पोलीस अधीक्षक एम. राजकुमार यांनी आयोजित पत्रकार परिषदेत दिली आहे.

ग्रामपंचायत निवडणुकीवेळी जळगाव तालुक्यातील बिलवाडी ग्रामपंचायत निवडणुकीवेळी प्रवीण पाटील याने स्वत:चे पॅनल तयार केले होते. प्रवीण पाटील याने याच ग्रामपंचायत निवडणुकीवेळी सरपंचपदासाठी उमेदवारी केली होती. सरपंच पदाच्या विजयी उमेदवारांना ४३२ मते मिळाले तर दुसऱ्या क्रमांकावरील उमेदवाराला ४१८ मते मिळाली. पाटील याला १९४ मते मिळाली होती. त्यामुळे त्याला या निवडणुकीत पराभर पत्करावा लागला. घरची परिस्थिती हलाखीची असताना अल्पावधीच त्याने जी प्रगती केली, त्यावरुन तो पोलिसांच्या जाळ्यात अडकला.
फुप्फुस घेऊन निघालेल्या रुग्णवाहिकेचा अपघात, डॉक्टर जखमी, तरीही चेन्नईत रुग्णावर यशस्वी शस्त्रक्रिया
गेल्या काही वर्षापासून तो घरफोडी आणि इतर गुन्हे करत होता. धुळे जिल्ह्यात त्याची गँगच तयार झालेली होती. ही गँग ठिकठिकाणी घरफोड्या आणि चोऱ्या करत असल्याची माहिती समोर आली आहे. आता त्याने २० घरफोड्यांची कबुली दिली आहे. पथकाकडून त्याची अजून चौकशी केली जात असून त्याच्याकडून अजून काही गुन्हे उघड होण्याची शक्यता वर्तविली जात आहे. काही दिवसांपूर्वी सरपंचपदासाठी प्रयत्न करत असताना काही दिवसातच घरफोड्यांचा प्रपंच समोर आल्याने परिसरात हा चर्चेचा विषय ठरला आहे.