धुळे: शिरपूर शहर पोलीस स्टेशनात दाखल झालेल्या गुन्ह्यात अटक न करण्याकरिता १५०० रुपयांची लाच स्विकारताना शिरपूर शहर पोलीस स्टेशनच्या पोलीस नाईक यांना लाचलुचपत प्रतिबंधक विभागाच्या धुळे पथकाने रंगेहाथ ताब्यात घेतले आहे. मिळालेल्या प्राथमिक माहितीनुसार तक्रारदार हे शिरपुर येथील रहिवाशी असुन त्यांचे विरुध्द शिरपुर शहर पो.स्टे. येथे दाखल झालेल्या गुन्ह्यावरुन प्रतिबंधक कारवाई करुन अटक न करण्याकरीता पोलीस नाईक लक्ष्मीकांत टाकणे शिरपुर शहर यांनी तक्रारदार यांचेकडे १५०० रुपये लाचेची मागणी केल्याची तकार तक्रारदार यांनी काल रोजी लाचलुचपत प्रतिबंधक विभाग धुळे येथे दिली होती.

सदर तक्रारीची आज पडताळणी केली. पडताळणी दरम्यान पोलीस नाईक लक्ष्मीकांत पंढरीनाथ टाकणे शिरपुर शहर पोलीस स्टेशन यांनी तक्रारदार यांच्याकडे १५०० रुपये लाचेची मागणी करुन सदर लाचेची रक्कम स्वतः स्विकारली. यावेळी त्यांना रंगेहात पकडण्यात आले. त्यांचे विरुध्द शिरपुर शहर पोस्टे जि. धुळे येथे भ्रष्टाचार प्रतिबंध कलमान्वये गुन्हा दाखल करण्याचे काम सुरु आहे.

घरात आलेला बॉल देण्यास नकार…! महिला,मुलगा आणि पुतण्याला पाच जणांकडून बेदम मारहाण

सदरची कारवाई लाचलुचपत प्रतिबंधक धुळे विभागाचे पोलीस उप अधीक्षक अभिषेक पाटील यांच्या मार्गदर्शनाखाली पोलीस निरीक्षक रुपाली खांडवी तसेच पथकातील राजन कदम, मुकेश अहिरे, संतोष पावरा, मकरंद पाटील, प्रविण मोरे, प्रविण पाटील, सुधीर मोरे व जगदीश बडगुजर या पथकाने केली आहे.

सदर कारवाईस नाशिक लाचलुचपत प्रतिबंधक विभाग, नाशिक परिक्षेत्राचे पोलीस अधीक्षक शर्मिष्ठा वालावलकर, अपर पोलीस अधीक्षक माधव रेड्डी व वाचक पोलीस अधीक्षक नरेंद्र पवार यांचे मार्गदर्शन आहे. सदर गुन्ह्याचा पुढील तपास सुरु आहे.

चोराने नवं अलिशान घर बांधलं, पण टीव्ही नसल्याने थेट चोरी; पोलिसांकडून अटक होताच स्वप्न अपूर्ण!

Read Latest Maharashtra News And Marathi News